سلام للجميع أنا يابنات دكتورة بس مو أخصائية نسائية ورح أجاوبكم على إلي بعرفوا علميا إن شاء الله
-بالنسبة للنوم طبيعي إنو من اللسابع خلص يبلش النوم يتلقلق من كثرة التبول الناتج عن ضغط البيبي على المثانة والوزن الزائد للرحم نفسو بيعمل مشاكل بالنوم وكمان حموضة المعدة الزائدة في هل أشهر و أكيد ضيق التنفس بس كل هاد تغيرات عادية بتحصل مع أي حامل فلا تخلوها مشكلة وحاولو تستمتعو بالحمل <<أهم شي إنو الأفضل للحامل النوم على الجانب الأيسر و تحط مخدة بين رجليها ,النوم على الجانب الأيسر لأن أكبر وريد راجع للقلب بعد تجمع كل الأوردة من جميع أنحاء الجسم ويسمىvena cavaموجود على الجانب الأيمن من الجسم فإذا نمتو على هاد الجنب رح يضغط الرحم عليه وبالتالي يزيد من احتمالية حدوث دوالي في القدمين نتيجة تجمع الدم وصعوبة عودته إلى القلب . أما الوسادة فلحتى ما تقلبي أكثر على الجنب وتضغطي عل الرحم وتسببي لا قدر الله مشاكل للبيبي مثل تشوهات الأطراف لأنها لسا مش متصلبة مزبوط.
- بالنسبة للوزن أعرف إنو الطبيعي تزيد الحامل 10-14 كيلو طبعا هاد في نهاية الحمل وللأسف ما عندي معلومة عن الطبيعي لكل شهر
بالنسبة لآلام الظهر طبيعي نتيجة زيادة الوزن والضغط على العامود الفقري لكن احذرو إذا حسيتو إنو هلألم مترافق دائما مع ألم في الساق أو تنميل وفقدان الأحساس فيها لإنو وقتها لازم تخبري دكتورك لاحتمال كونها أعراض عرق النسا <<وهو إما يكون ناتج عن ضغط الرحم على العصب الوركي وهاد ما بخوف أو ناتج عن انزياح غضروف من بين فقرتين نتيجة الوزن الزائد وبالتالي بتضغط الفقرات على العصب الوركي وهاد ممكن يسببلك مشاكل كبيرة بعد الحمل لأنو ممكن يتطور لا قدر الله إلى دسك في الفقرات
-أما الحكة فهي اشي طبيعي جدأ لأن الجلد بصير رقيق أكتر نتيجة شده وطبيا ما بعرف إلو علاج غير استخدام أي نوع من المرطبات وتاخدي شاور بارد أو يعني دافي بس مو ساخن...
سلامتهم الحلوات وادعولي الله يسهل علي الحمل والولادة ولا تنسو إنو رب العالمين وصف الحمل بأنو وهنا على وهن فخلينا نصبر وناخد الأجر لأننا شكينا أو لأ رح نتوجع فليش ما نصبر وناخد الأجر أفضللنا.... دعواتكم