السلام عليكم ورحمة الله وبركاته كيفكم بنات اتمنى تكونوا بخير مشكلتي اللي اتمنى انكم تساعدوني فيها هي أمي الله يحفظها لي ولاخواني يارب بسم الله بابدا بالسالفة .... امي الله يهديها دايما تسمع لكلام الناس وتجي تطبق علينا واجباري نسوي هالشي يعني مثلا يقولون لها ليه ماتجي بنتك عندك في فترة زواج اخوانها عشان تساعدك والمفروض تجلس اسبوع قبل الزواج واسبوع بعده وتجي هي وتقول لي نفس الكلام ومعها زعلة كبيرة اني مااساعدها في التجهيزات ووووو وانا مااحب ازعلها بس بعد زوجي ياخذ في خاطره ايش اللي تقعد اسبوعين بيت اهلها من غير داعي؟؟!! أما السالفة الثانية وهي ليه زوجك مايجيب لك شغالة وبصراحة انا قاعدة في شقة وصغيرة واحس ان الشغالة تضيق علينا وين مايروح زوجي بتكون في وجهه وقلت لها هالكلام بس ماااااافي فايدة المفروض والمفروض وانت عندك بنتين والثالث جاي في الطريق مسئولياتك تزيد وش بتسوين مع شغل البيت ولازم تنهي المكالمة بزعلة اني مااسمع الكلام طبعا هي عندها قاعدة ان المراة ماتطاوع زوجها في كل شي وان الرجال غدار وانها ماتعطيه كل المحبة مايستاهل وانها غبية اذا سوت كل حاجة هو يبغاها احيانا لو الود ودها تحسب معي مصاريف البيت عشان تحاججني لو قلت ماعنده ودايما هاذي كلمتها يعني معقولة ماعنده؟؟ ادري طولت عليكم بس انا محتاجة حل من غير ماهي تزعل لان رضاها مهم امي وابغى احط حد لهاذي التصرفات بما يرضي الله بليييييييييز بنات ساعدوني بحل