[مى بنت الإسلام]

أسأل الله العظيم رب العرش العظيم أن يفرج كربك و همك و حزنك ، و الله يا أختى فعلا اللى يشوف بلاوى الناس تهون عليه بلوته ، و إحنا النساء ربنا يهدينا و يهدى لنا رجالنا ,,, اللهم آمييين ، المهم ، أنا أقترح إنك تجيبيه و تجلسوا جلسة لوحدكم فى بيت أهلك بدون تدخل أى طرف من الأطراف سواء من أهلك أو من أهله ، و تقعدى معاه و تقوليله كل اللى فى نفسك و اللى تاعبك منه بطريقة تكون فيها حب و لطف ، و حسسيه من طريقة كلامك إنك باقية عليه و شارياه بس إنتى تعبانة و مجروحة منه بسبب ضربه ليكى و إهانته ، و صارحيه بإنه ماينفعش يعرف واحدة عليكى ، وإن أهلك ربوكى على الوفاء و الولاء لزوجك و هل هو يقبل إنك تعرفى شخص آخر غيره ؟؟؟؟ ، طبعا لأ ، و قوليله إنك هتوافقى للرجوع ليه إذا وافق إنه لا يهينك و لا يضربك و لا يعرف بنات عليكى و لا يخونك ، و إسأليه هل توافق على هذا أم لا ، إذا وافق يبقى شاريكى و عاوز يجمع شمله بيكى و يستحق إنه تعطيه فرصة آخرى تجربيه فيها ، و فى تلك اللحظة تعطيه كتاب الله يقسم عليه بإنه لن يفعل ذلك أبدا مرة آخرى ، أما إذا لم يوافق على ذلك الشرط و مارضيش يحلف و لا يقسم على كتاب الله ، فهذا الزوج لا يكون شاريكى و لا يستحق أن تعطيه فرصة آخرى و حينها إستخيرى الله فى طلب الطلاق و لا خاب من إستخار ، و أسأل الله العظيم رب العرش العظيم بكامل كلماته الحسنى و بإسمه الأعظم أن يهدئ سرك و يهديكى لزوجك و يهديه إليكى و يجمع بينكما دائما فى خير ، آمييييييييييييين