اهلين بالحلوات اخباركم
الحمد لله بخير انا وتوينزاتي احس بحركه من تحت بس من جهه وحده والله مادري هو واحد او
كلهم يتحركون ربي يطمنا عليهم بخير
اليوم رحت موعدي مرشده السكر والحمد لله ماطلع عندي سكر وهم غصب يبون يحطونه فيني
قالت ان السكر عندي وانا صايمه 96 والطبيعي من 70 الى 95
ودكتوري الدلخ يقول وانا صايمه 130 مرتفع وانه يبي يعطيني انسولين شكله مانام زين
والله يانه خوفني بالحيل واخر شي طلع غلطان
وصفت لي جهاز لقياس السكر علشان اقيسه كل يوم الين يجي موعدي
غرومه..اقول تلاقينها في غرفه الولاده واتاريك نزلتي الجدول ياربي يعطيك العافيه والولاده
السهله وعلى قوله اهلي <يخدمك المال والبنون والزوج الحنون >وش تبين احسن من هذا
الدعوه
سمعت اذا راس الجنين فوق افتحي القران وحطيه اسفل بطنك وان شاء الله ينزل الراس
كثري من الدعاء واستخيري والله مافي احسن من الاستخاره
احلا توينز..ماعليك منها مادمنك واثقه من نفسك ماسويتي لها شي ردي بها واشتكيها
جتني رساله من عضوه ماعرفها وكانت في كلامها تستفزني يمكن تبي المشاكل سفهتا ويوم طولتها
اشتكيتها وبعدها وقفت
ام التوام ..صادقه غرومه الله يستر عليك غيري اسمك
ياربي احفظ لنا ماوهبتنا
بنكي..ماعليك منها الخادمات شر لابد مادام انك عاملتيها بما يرضي الله لاتخافين
ودائم يقولون <اتق شر من احسنت اليه>
باقي الكروشات اخباركم