انا عانيت مثلك في البداية
اول 9 شهور من زواجي ماحملت وانا وزوجي سليمين بس ربي اراد كدا
واتفرجي على التلميحات , فلانة اتزوجت بعدك وحامل وعلانة ماشافت الدورة من بعد زواجها , سبحان الله , حتى امي يدها على قلبها تقول اخاف تطلعي عقيم لعمتك .
بعدها حملت ... ورجعنا لنفس الموال ليش ماحملتي ثاني هههههههههه
صدقيني قصة مكررة ولو جبتي 5 وطولتي يقول وشفيكي ماتحملي
ولو حملتي ورا بعض يقولو ارحمي جسمك من الحمل وزوجك من المصاريف هههههههه
الحين صرت اقول نصيب واقول اني مو مهتمة بفكرة الحمل واذا ربي اراد كل شي يصير < ايش اسوي بس, مااتخيل اني اقول نفسي باطفال وباحاول علشان ما اسمع كلام يجرح
ربنا يرزقك بحمل سليم معافى ويفرح قلبك وقلب زوجك ويريحكم من كلام ما منه فايدة انتي وكل حبيباتنا واخواتنا اللي معنا امين يارب العالمين