[زهــــور]

المشاركة الأصلية كتبت بواسطة كآدي

يا لبيه عليك يا روحي
بنسبه لموعد الولاده صحيح 6/6 تكوني كملتي 40 اسبوع بس يمكن تولدي قبلها وهذا من الله والله يسهل عليك يا قمر

وبنسبه لشهرك وكم يوم
حنا بنخلص السابع انا عن نفسي بما ان بيني وبينك يوم

انا في الاسبوع 30 وماخذه من الـ 31 يا قمر 5 ايام

واذا كانت متابعتك قبل يومين بضبط من الان فانتي ماخذه من السابع 28 يوم وباقي لك 3 ايام وتكوني تربعتي في الثامن بيديك ورجليك طبعا بحسابي
اسابع الثامن 31 الى 35
وبحساب ثاني الثامن من الاسبوع 32 الى 35
يعني موقنا الاعربي منه باقي نكمل الاسبوع 31 اللي حنا نمشي فيه ونطب في الاسبوع 32 ونكون باول اسبوع من الثامن


وبحساب ثالث الثامن من الاسبوع 29 الى 33
ووفي هذا الحساب حنا في ثالث اسبوع من الثامن

شفتي كيف الحوسه عشان كذا الوحده ما تعرف تكمل اربعين اسبوع او تولد في اول التاسع او وسط التاسع او اخره
وكل الحسابات اللي قلت لك تتفق ان اسابيع الحمل 40 اسبوع
وموعد الولاده واحد
وطريقه الحساب على كيفك امشي على اللي تريحك انا ماشيه
على الاولى اللي هي طريقتي لانها من برنامج وبعد طرقتها انها مجرد ماتتأخر الدورة بكم يوم طبعا بعد الأربعة أسابيع يعني مثلا اسبوع وتكتشفين انك حامل ويسألونك انتي بأي شهر تقولين أنا في بداية الثاني...طبعا هذي الطريقة عكس الطريقة الثانيه

والطريقه الثانيه هي حساب كل نهاية أربع اسابيع أنه بداية شهر حمل واحد...

والطريقه الثالثه لطشتها لعيونك من النت ومدري وش اصلها وش فصلها بس اكيد فيه ناس ماشيه عليها

وخري شوي .. اقربي لي بعد هاتي خدك وهذي بوووووووووسه
اموووح عليك
الله يعينك ادوشتك

ههههه والله حوسه

الله لايهينك يالغلا ولايحرمني منك


انا اللي ادوشتك واسفه لاازعاجك

وهاااااااااااااي احلى بووووووووسه ..مني لك يااحلى كااااااادي ..