هههههههههههههههه مواقف كتييير محرجة ممكن تحصل فى الليلة دى
أنا وزوجى كنا حاجزين كام يوم فى الفندق اللى عملنا فيه الفرح
بعد الفرح طلعنا للسويت وقضينا ليلة جميلة ونمنا بعد الفجر
والساعة 9 الصبح التليفون كان يرن ولما زوجى رد قالوله : لو سمحت يا فندم ياريت حضرتك تخلى سويت العرايس فورا وتنتقل للسويت الآخر
اتضح اننا نمنا فى السويت اللى المفروض كان محجوز للعروسة يوم الفرح للميكب واللبس وخلافه لحد 12 الظهر تانى وتستلمه عرووس تانية
طبعا ماخدناش بالنا من الملحوظة دى ... والساعة 9 الصبح قايمين مفتحين عين وقافلين عين وبلبس البيت وانا باسدال الصلاة وبشبشب البيت كنا ننتقل من جناح العرايس للجناح الآخر وماشيين بشنطنا وفستان الفرح المنكووووش والبدلة على كتف زوجى وآخر فضااايح