[الياه]

كتبت مشاركة طــــويلة عريضة
وعلق النت وأنمسح كل شي غصيـــت

عشمانة

حبيبتي لا تحاتين أن شاءالله ما عليج شر
وإذا محتراة بين راي الدكتورين
أنصحج تشوفين دكتور ثالث
وأكيد بيكون كشفة أقرب لواحد منهم
وعني الصراحه أشك في دكتور الخاص
لأنه مستحيل فيج سكر ومابين في التحليل؟؟؟
تعوذي من أبليس
وعشان تتطمنين أكثر شوفي دكتورة ثالثة
وبتكون الفاصل
وطمنينا عليج

أول غرام

أخبارج عساج بخير
وشو هباتج في التاسع الله يقومج أنت والتوينز
بالسلامة
غرووومه على طاري الأفرازات، كلامج صح أذا كانت بدون رائحه
ولون وحكة بتكون طبيعية ومامنها خوف
بس أحياننا تكون هذي الأفرازات كثيفة وفيها لون
وتكون عبارة عن السدادة المخاطية لعنق الرحم
وهي من علامات الولادة
الله يسهل أمرج ويهون الطلق
ويحفظج أنتي والتوينز من كل شر

قطرة ندى

شخبارج عساج بخير، أنتي وكل من يعز عليج
متى مراجعتج الياية عند الدكتورة ؟؟
أن شاءالله أطمنينا بما يسر خاطرك


أم دحوم

شخبارج وشخبار صحتج؟؟
الله يتمم لج على خير
بالنسبة للبنج النصفي، إذا كنتي تقصدين أبرة الظهر
توكلي على الله وسويها أثرها أخف عن البنج الكلي
واستخيري
الله أن شاءالله يكتب لج اللي فيه الخير لج