ام الحلوات
ان شاء الله يكتب لك السلامه انتي وباقي حواملنا ... توائم وفورادي
بالنسبه لموضوع الشنطه
بالحكومي يروشون الطفل ويلبسونه ويجيبونه لك
اذا ماعجبك لبسهم لبسيه من عندك واذا اخذوه منك قولي للممرضه ترجعلك ملابسه وانتي وديها بيتكم واغسليها
انا سويت كذا
ويوم جيت اطلع من المستشفى كشخته وطلعت
بالنسبه لملابسك مانتبهت انهم يعطون ولا لا.. بس سمعت انهم يعطونك ارواب.. وانا وديت ملابسي مااطلبت منهم
وحطي الزيادات الي قلتي عليها بنطلون ملابس داخليه اغراض النظافه...الخ
اما الفوط الصحيه والحفاظات يعطونك اياها وانتي غيري لنفسك وولدك
يعني خلاصة الموضوع اذا ماتبين من المشفى شي خذي شنطتين لك ولعيالك واذا بس بتلبسينهم وقت الخروج خذي شنطه وحده
كلوتات الدوره حلوه خذيها والسنتيانات بتاعة الرضاعه مااستخدمتها ولا اشتريتها
انا احب العاديه القطنيه .. اخف لي ..
بخصوص نوع الفوط الصحيه انا احب اولويز البنفسجي
مع انهم يقولون الافضل انك تستخدمين الانواع الي زي فام
والله اعلم ...
والرضاعات ماعندي خلفيه لاني رضعت بكري طبيعي بالمستشفى وكانوا يعطونه وقت الزياره رضعه صناعيه .. ويومني طلعت رضعته بالبيت صناعي مره لمدة شهر وتركت الصناعي
بالنسبه للتوائم ماجربت يساعدونك عليهم ولا لا
بس الطفل الواحد يجيبونه وانتي تكفلي فيه .. اذكر ممرضه تقولي انتي ماما خلاص سوي كلوو
وانا ماني متعوده انظف بزارين وتعبانه من الخياطه ..فتورطت ..
اتمنى كفيت ووفيت ..
هذي خلاصة تجربتي .. ونشوف تجارب البنات الثانيات