مساء الخير حبايبي بنات جده
حبيت انصح اللي دخلت التاسع عن تجربه انصحها تستخدم كف مريم انا استخدمها شخصين كل ما اولد استخدمتها من طفلي الثاني لاني ما كنت اعرفها باول والله ثم والله يابنات بعد ارادت ربي طبعن سهلت ولاداتي وسرعتها وطلعت بسرعه المشيمه سبحان الله اقراو عنها عشان تتطمنو وادعولي انا في ولادتي الثانيه اكلت رطب ومشيت واكلت تبوله واكثر فيها البقدونس وشربت 2 قوارير زيت خروع مع عصير التمر ولا جاتني ولاده بس طلق يروح ويجي في الخيرررر شربت منقوع كف مريم ونمت صحيت اليوم الثاني الساعه 1 الظهر معي زي الافرازات بنيه ومشاءالله ماجاء الساعه 11 بليل الا وبنتي في حظني لانها تسرع الولاده وبعدها ما عاد فارقت كف مريم بكل ولادتي والحمدالله طريقتها اشتريها من عند العطار واغسليه شكلها زي الشجره اليابسه وحطيه في ترمس الشاهي وصبي فوقها مويه حار وخليها لليوم الثاني واشربيها يسموها عشبه الطلق لانها تجيب الطلق وتسرع الولاده وتطرد المشيمه سبحان الله
كمان لما بدخل التاسع باسبوع بااشرب كمون + ينسون + نينخه + شمر + حلبه + محلب + حبه سوداء(حبة البركه)
طبعا كل المحتويات هاذى حبوب مش مطحونه ملعقه صغيره من كل صنف تغلى في كاستين ماء الى ان يصبح المقدار بحجم كأس تقريبا تصفى وتحلى بالعسل وتشرب مع صحن صغير رطب كل يوم مره واحده قالتلي عليها صديقتي توها ولاده كانت تستخدمها وانا ناويه اشربها باذن الله لادخلت التاسع باسبوع لان محتويتها لها فوائد كثيره بس سمعت الينسون يهدي الطلق ما ادري الي عندها خلفيه بخصوصه تفيدنا بس سمعت الكثيررررر يقولو لا مايهدي الطلق لاكن يهدي نفسيتك من التوتر والخوف من الولاده وقبل لاتبلعي اي شي دوري واقري عن فوائده ومضاره واذا ناسبك خذيه واذا ماناسبك خليه وتوكلي على الله هوا الي بيده السهاله
واكيد في المقام الاول الدعاء والا ستغفار والمشي بخطوات متباعده واكل الرطب واكل العسل على الريق بتساعد