[يارب أصير أم]

السلام عليكم ورحمة الله وبركاته ..

يا غالياتي ..

انا دخلت المنتدى كزائرة وقرأت عدة مواضيع فإذا بي أصبح عضوة ..

احببت المنتدى ويكفي أنه رئيسي لموضوع يشغلني آلا وهو الحمل ..

أنا لي سنة ونص متزوجة .. طبعا ما حملت باقي ..

لكن هالشهر يااااااااااارب أكون حامل يااااااارب ولكل من أرادت ...

فساعدوني رجاءا ولو بدعوة ..

أنا ما أجزم أني أكون حامل لكن جاتني اعراض وودي تساعدوني ..

ما أحسها مثل الاعراض اللي قريت عنها .. عن أعراض الحمل ...

تقريبا قبل بداية الدورة ب 8 أيام .. كنا راجعين للشرقية بالطيارة ..

ووقتها حسيت بغثيان مفاجئ ومالي نفس إني أكل رغم الأكل وحده لذيذ ومشهي ..

غير صداع فظيع من جهة اليسار وأذني اليسار ..أضطررت إني أخذ بندول رغم إني ما أحب أخذ منه كثير ..

وخلاص ما عاد رجعني مرة ثانية .. بس الصداع يروح ويجي ..

أما العارض الثاني .. أحس أن صدري ثقل شوي وكبرحبتين فقط وغير أنه يوجعني لما أضغط عليه .. مع بروز في الحلمتين أغلب الاوقات ..

أما العارض اللي خلاني أشك /

أن الدورة تأخرت علي تقريبا 4 أيام وداخلة اليوم الخامس ..

سويت تحليل حمل كان عندي من كم شهر .. لكن ما طلع لي ولا خط ولا شيء ..

أظنه خرب .. أو تعرض لحرارة الله العالم ..

والشيء الرابع /

أني الله يكرمكم كل شوي أحس شيء ينزل مني وأحسبه الدورة ولا ألقى شيء ..

غير إفرازات شفافة .. وأحس بحرارة في جسمي ..

وألم بسيط أسفل البطن يروح ويجي .. وأحس بوخزات بفترة بسيطة عند السرة وخصوصا بجانب السرة من ناحية اليسار بأصباعين ..

وإن شاء الله بكره أو بعده أحلل بالمستشفى ..

تكفون يا أخواتي الغاليات أدعووووووووولي يكون حمل ..

والله إني كنت أنتظر الحمل من فترة طويلة كان ودي من أول شهر زواج ..

لكن الحمدلله أكيد فيه خير لي ..

يالله .. يا كريم .. أرزقني من فضلك ..

ربي لا تذرني فردا وأنت خير الوارثين ...

ربي إني لما أنزلت إلي من خير فقير ..

رب اجعلني مقيم الصلاة ومن ذريتي ربنا وتقبل دعاء ..

رب هب لي من لدنك ذرية طيبة إنك سميع الدعاء ..

أستغفر الله .. أستغفر الله .. أستغفر الله ..