أبوك نسخه من أبوي
صحيح أبوك وعلى العين والراس ولا تقولين فيه شئ ولا يقول فيك شئ بعد
واللي يقدرك يقدر زوجك ...
على العموم إختي ... أنا بقولك كيف معاملتي مع أبوي لأن أبوي مررررررره يتدخل فينا وين رايحين وين جايين يعني ساعات أحس إني طالعه مع أخوي مو مع زوجي وله رآيه ...
العلاقة رسميه مرررررره مع أهلي بس على الأقل الين يتعدل مع زوجي ويتركنا نعيش حياتنا
إتصالأته ماأرد عليها على طول أو مثلا يوم أرد ويوم ماأرد كان أول يحاسبني ويرفع صوته علي ليش ماتردين ؟؟؟ ومن هالكلام وأنا أكون مشغوله عند زوجي بس الحين خلاص عودته إني ماأرد إلا إذا حسيت فيهم شئ أو بوقت إتصال مناسب ...
ثانياً ...بما إني بنفس الديره اللي أهلي فيها ماأروح لهم إلا كل ربوع وطبعا يحطني ويمشي
ثالثاً ...سألني عن زوجي حتى لو كنت أدري هو وين أقوله مدري عنه
صرت أحسسه إني أتضايق لو قال أي كلمه بزوجي مهما كان هذا شريك حياتي وحبيبي ومالي غنى عنه
كان دائم يهاوشه ويرفع صوته عليه لو ماحضر عشاء او مناسبه عندهم وماكنت أجبره يقول صعبه أدخل على الرجال بدون عزيمه وصارح أبوي قال ناس ماقدروني ماأقدرهم صار الحين بكل مناسبه يدقون عليه ويخبرونه
وكان دائم إذا دق جوال زوجي يسأله من اللي دق عليه رد عليه قال رجال وقال أبوي له من هالرجال قال هذا من خصوصياتي ومعليش ياخال وبدون ماتزعل خلاص الحين ماعاد صار يسأله من اللي دق عليك او من تدق عليه خلاص
وأنا صرحت لأبوي وأنا أبكي مقهوره من تعامله معه قلت أنا ماأرضى تقول فيه شئ ولا أرضى يقول فيك شئ في خاطرك شئ قله له وإذا بخاطره شئ يقوله لك والحين الوضع الحمد لله ....