[ايــلاف ..]

بصراحه مادري ليه نزلت هالموضوع هالمكان بس احس انه انسب مكان انزل فيه موضوعي

بصراحه انا نفسيتي تعبانه مره بسبب حملي مع العلم ان توني باول شهر وعلاقتي باهلي وزوجي
مره حلوه بس من عرفت اني حامل قلبت نفسيتي رغم اني انتظر الحمل من سنتين يعني كنت متشوقه
بس الغريب نفسيتي كل مالها تزيد سوء مادري ليه وصرت اختلق مشاكل بالذات مع زوجي
وطول وقتي ابكي بدون سبب يعني مثلا امس رحت المستشفى وضربتني الممرضه ابره وجلست ابكي
وطول الوقت حاطه نقري من نقر زوجي واغلط عليه بالكلام وانا اموت فييه والله واسبه واتجاوزت
حدودي معاه ووصلت اني ادعي عليه بزياده وهو يفكرني اتوحم ويضحك فرحان
اني حامل وماهمه ايش اقول على باله وحم وعلى قولته انا بتحملك دامك متوحمه علي
وانا يرتفع ضغطي من بروده ماحس اني متوحمه عليه احس نفسيتي زفت وماني طايقته
وانا مادري هذا وحم يعني والا ايش مره خايفه على علاقتنا اخاف انه يتحسس مني
لاني بس اكون معاه تصير بيننا مشاكل ومن اروح عنه ودي انه يرجع وابقى معاه
واحيان ابكي على الي صدر مني بلييييييييييييييييييييييييييز طمنوني ؟ هذا وحم والا وصلت المشاكل بيننا لهالدرجه