صباااااااااااااااح الورد عالإتجاه المعاكس هههههههههههههه
كيف حالكم ياحلوين وشن أخباركم ؟؟؟
أم رفيدة جزاكي الله كل خير وكلامك مية في المية صح لكن زي ماقالوا البنات راجلك لو ماتهتميش بيه يطلع برا والرجالة توا من كتر مايشوفوا بدو يبوا كل شي على آخر طراز ويدققوا عالتفاصيل يعني أبسط مثال مثلا راجلي عيد ميلاده ومادرتلاش فيه جو جديد وحسسته ان اليوم مميز عندي حيزعل زعلة ليها أول وماليها آخر ودوري عاد بعدين كيف بتسكتيه على قولت انتي مش مهتمة بيا وانتي انسانة جامدة وروتينية والخ الخ الخ
يعني والله بالنسبة ليا حتى لما درت لراجلي جو مميز يوم ميلاده كانت النية الوحيدة اللي عندي اني نسعده وقداش فرح حتى هو وزي ماقالوا البنات حاجة مافيهاش أي نوع من المحرمات لا أغاني ولا رقص ولا أي حاجة غير البس الحلو والعشي المميز اللي ماتديريش فيه كل يوم وبس ...
كيف حالك يا أم قصي ؟؟؟
ميمو قوليلي واوصفيلي الهدية بدقة متناهية ...
طرابلسية كيف حالك اليوم
أم لقمان كيف حالك
حكومة حبيبتي تسلمي عالرد وفعلا كلامك صح لكن حتى اني مش من النوع اللي عندي الخلطة زيادة يعني حتى لما كنت بنت عندي صاحبتين زي اخواتي وبنات جيراننا تلاتة هاذو تربيت معاهم وزي اخواتي بالضبط يعني والله مش من النوع اللي ديما نمشي للناس ولا الأعراس وحتى الأعراس مانمشيش لأي عرس المقربين جدا وديما عندي مقولة ( علاش بنكلف روحي وبنحط حق قفطان ومكياج على خاطر ناس مايندروش عليا حتى جيت ولا ماجيتش ) ههههههههه المقربين المقربين فقط .... وحبيبي بسلامته غير حوش اماليا يموت ألف مرة ولا يخليني نمشي لأي مخلوق كان ... يعني شفتي الفرق حبيبتي ؟؟؟ انتي عندك الأقارب والصاحبات المقربات واني حتى الأقارب لا ..ربي يحفظه وخلاص شن عندي بندير ..