[كوثرية]

الله يساعدك يا روز
أقدر معاناتك

أنا حملت في أول شهر من زواجي، يعني لساتني عروس، وكرهت ريحة بدن زوجي اشوي، بس فمه بالذات أحس فيه ريحة لا تطاق، وكنت بمجرد ما أروح السرير ويجي المسكين بينام يلتفت لجهتي يتكلم أقوم أستفرغ، ومرات ما أقدر أوصل للحمام فأخلي أكياس جنب السرير .
بس أنا ما قلت له أني أشم في بدنك أو في فمك ريحة وكنت اضغط على نفسي بكل قوتي وأجامله مما سبب لي تعب نفسي إلى أن سقطت في الخامس >> طبعاً لا تخافين السبب مش الوحام السبب مشكلة عندي في الرحم .

المهم في حملي الثاني ما توحمت فيه فقلت خل أعترف له شنو السبب اللي كان مخليني أستفرغ على السرير بالذات

قلت له المسكين انحرج مع أني أكدت له أني الآن مو متوحمة فيك ولا أشم فيك أي ريحة وصار إذا بيكلمني غالباً يده على فمه وأنا اشيلها وهذا شغلنا طول اليوم >>ضربه وسواس المسكين


وأما بالنسبة للحل ما أتوقع في مركز أبحاث في الدنيا قدر يوصل لحل غير الصبر وتفهم الزوج لوضع المرأة
بس نصيحتي إذا زوجك يقبل بين فترة وفترة اخذي استراحة بيت أهلك كم يوم عشان تريحين وتواصلي معاه بالتلفون والكلام الطيّب حتى ينجبر خاطره أكثر .