فأهملت نفسي من ناحية الأكل لأني مشغوله مع العيال وما أصدق أوجد فرصه علشان أنام ، الشي الوحيد إلى عملته إني أشرب الحبة الحمراء بس مش كل يوم ياللاسف ليه كذا..الصراحه اهملتي نفسك بشكل كبير جدا..
العيال مو عذر معليش اختي كلنا عندنا عيال بس تعرفين هالفتره
مهمه جدا وصعب تتكرر علشان تعتنين بنفسك..
واللي تخسرينه فيها صعب تعوضينه..
يعني مابقي لك الا 4 ايام وتخلصين الاربعين!
لاونباتيه ! يعني ماتاكلين لحوم ابد..لو سمك وربيان!
الحبه الحمرا اتوقع انها هي الرشاد..واخذها طوال الاربعين غلط في غلط..
المهم اللي راح راح..
حنا في اللي جاي اقطعي الحبه الحمرا الحين..
الفطور لازم خذي لك لو خبزه بالعسل مع حليب دافي وفلفل اسود..
الغدا لازم لو رز + خضار او مرقة خضار لحالها لامشكله وقد ماتقدري
اضيفي الفلفل الاسود المطحون لوجباتك لانه بينظفك تمام..
وطريقته تحطينه فوق المرق اذا خلص نصف ملعقه على الوجه
وتحركينه وتاكلين..
العشاء ممكن سلطه وكثريها وخاصه البقدونس وحطي حامض عليها
لو تبين..
ممكن سلطة فواكه..ممكن خبزه على الصاج او بالمقلاة وذكرنا طريقتها
حبيبتي لايكون اكبر همك الرشاقه لانها ملحوق عليها..
لكن لو انعدمت صحتك مشكله راح تعانين منها فتره طويله يكفيك الهزال
والجوع انتي ماتدرين كيف يخرب الحرمه ويدمر ارحامها بفترة النفاس
والدوره..
على العموم المؤمن لاييأس وانا على يقين انك تقدرين تلحقين بإذن الله
الحين وبالدوره الجايه..
ولاانسى اوصيك بشاي الزنجبيل مع الزعتر البري او الجبلي اللي يتوفر
ممتاز جدا للتنظيف..
ختي سمعت ان الدخن جداااااا مفيييييد للنفاس وحابه اسألك هل في مشاكل من استخدام الدخن من بداية النفاس ولا له مضار ؟؟؟؟؟
وبالنسبه للتمريخ هل تبدا الوحده تمرخ من اول يوم ولا اول اسبوع وكل قد ايش ؟؟؟ هلا بك اختي العزيزه
جزاك الله خير على دعواتك الطيبه..
ابدا الدخن ممتاز جدا ولاتخافي من استخدامه اعتبري زيه زي الطحين البر..
التمريخ وش تقصدين فيه انتي تمرخين نفسك ولاحرمه تمرخك؟
على العموم تدليك البطن بزيت السمسم الدافي مفيد لاضررمنه..
سؤالي حبيبتي انا في اول ولاده كانت عندي امي الله يحفظها يارب , وكانت دايما تحب تبخر البيت بالعوده طبعا عشان لما يزورونا ناس تكون ريحة البيت زي الفل , فهل تعتقدي هذا الشي كان غلط كبيييير لاني اشكو لحد الان من صدااااااااع دائم ومستمر ولم اجد له علاج فهل هذا هو الشمم؟؟؟؟؟ لامو هذا الشمم اتوقع عندك جيوب انفيه تتهيج مع البخور
وروائح العطور وتسبب صداع.
روحي طبيب وشوفي يمكن تكون عندك ولاانتي داريه.
***
وقد ايش مفروض الوحده تبتعد عن الروائح القويه والنفاثه مثل العوده والبخور والعطور ؟؟؟
قد ماتقدري والمفروض ماترش عندك مباشره..
واذا حصل الحلتيته او المره يقومون بالمهمه فلاتخافين..
***
وهل اذا شمت الحلتيتة قبل لاتشم الروائح تنفع(يعني ماتضرها الروائح ) ؟؟؟ وهل اذا شمتها بعد الروائح تنفع ولا خلاص ؟؟؟
بعد وقبل لامشكله لو شميتي عطور شمي بعدها حلتيته.لامشكله بتاتاً
***
والحلتيته قلتي تساعد على سرعة انقباضات الرحم فقد ايش ممكن النفاس تقدر تشم الحلتيته يعني كم يوم , وبعدين ممنوع تشمها ؟؟؟ ولا عادي مافي اشكال لو شمتها كل يوم عشان تتجنب الشمم ؟؟؟؟؟
مافي مشكله من شمها ابدا..المشكله من تعاطيها كمشروب هنا تكون خطيره
الا بمقادير مقننه وبأوقات متفرقه.
اما الشم مامنه ضرر بس عاد مو دايم دايم ترى ريحتها تحوم الكبد.
الله يجزاك خير انا اذا قعدت امشي شوي حسيت بدوخه وانسى نفسي ماكل مدرب الاانا اتنافض وش تنصحيني ترى جدولي ملخبط سوي لي برنامج وانصحيني وش اكل وش اهم شي اسويه تراي ضايعه اقسم بالله وبطني يعورني مدري وش اسوي ونفسيتي تعبانه عشان ماتوقعت قيصريه والحمدالله على كل حال لان امي دايم تخوفني من العمليه عشان المره تحمل بعدها على الاغلب قيصري دايم وانا سببها انه كان كل شي زين بس الرحم ابطا مافتح والبيبي نبضه تعب
وانا استخرت وتوكلت على الله ووافقت انا غلطانه يالعامريه او انا استعجلت
والله انهم موتوني بالطلق الصناعي بس تحملت واصبرت مابي عمليه بس الحمدالله على كل حال
لاتخليني تكفين ساعديني ترى نفسيتي تعبانه
واهم شي ارتاح على السرير لمتى متى اقدر اتحرك خايفه اسوي شي يضرني وانا مدري
وهل صحيح لازم اقعد 3سنوات بعدين احمل ولالا
يابعدي الله يشفيك ويعافيك..
واذا ولدتي قيصري وش فيها الحمد لله
على العافيه يااختي..
يكفي انك الحين بخير انتي ومولودك..
هذي شي مقدر عليك ومكتوب كيف تلومين نفسك!!
قولي الحمد لله على كل حال وادعي ربي يتمم عليك
بالعافيه والشفاء..
واهم شي حالتك النفسيه خففي عن نفسك ولاتفكرين بشي
بتدبير رب العالمين..
احمدي ربك واشكري فضله وحده من قريباتي هاليومين
والده طبيعي ومسوين لها عمليه من تحت المسكينه
تتمنى لو انها والده قيصري..
اما كلام الحريم وسالفة الولاده بعد ثلاث سنين فهذي
ماقد سمعت فيها..
لكن استشيري طبيبه احسن.
المهم الحين ريحي حالك على الآخر ولازم فيه احد
يساعدك..
لاتشيلين شي ثقيل..ولاتتحركين كثير خاصه اول اسبوعين.
وش سالفه الخراب اللي يحذرونا منه وايش سببه
انا بقولس جدولي وانصحيني انا نومي مو منظم واحاول على الريق اخذ عسل بحبه سوداء مع ماء دافي وبعدها حليب مع تمر بحلبه وزنجبيل واكل فطور اي شي لو انه كورن فليكس
والغداء على حسب متى ماجاني اكلت 
والعصر اكون نايمه واذا قمت حليب وحلبه وزنجبيل مع شلبوره او اي شي ولاصامولي مع بيض مسلوق وباليل بعد اي شي لو انه صامولي اسمر مع بيض مسلوق مرتين سويت لي شاهي حلبه ودارسين وشربته
تكفين ساعديني وش اسوي وبنتي ترضع مني
وترى جبت قشر رمان وزينته وانتظر تعلميني متى استخدمه انا لي 12يوم الحين والجرح الى الحين يعورني
وش سالفه الدوخه وش منه
ودي اطلع من الشر باحسن مايكون علميني واشرب عصير برتقال بكثره اشتهيه ياختى وش اسوي واذا بغيت اشرب ماعرف اركز انا جوعانه او شبعانه وبعد اعتمادي كله على البيض المسلوق وصامولي بر عسا مايضرني
هلصحيح ان القيصري الدكتوره تنظفلها كثيييييييير وعشان كذا ماينزل منها دم اسود وبلاوي
انا بس دمي خفيف الا اول الايام كثيير مررره
يوم كنت بنت تجيني اقوى من كذا وش القصه يالغاليه اشرحيلي
بطلب منك طلب اذا تعرفين احد حالته مثلي وتشافى الحمدالله علميني وش برنامجها ي
فطورك لابأس به..
لكن العسل والحبه السودا تنوخذ ملعقه وتنبلع
ماتخلطينه بمويه..بتشربين بعده مويه كيفك.
غداك الاهم تحطين معاه اللي قلت لك عليه قبل
ماش..فلفل اسود..
وين الزنجبيل الشاهي مع القرفه؟؟
لاتكثرين الحلبه يكفي منها مره الصبح مع التمر
كثر ملعقه..
اذا قمتي العصر من النوم ابدي بشاهي الزنجبيل الرطب مع القرفه..
وكولي معاه اللي تبين شابوره..ساندوتش..
اللي تشتهيه نفسك..
ممكن سندويش حلاوه او طحينيه..زبدة لوز مع عسل..اللي تبين
عصير برتقال اشربي على كيفك بس لايكون بارد مره..
الدوخه عندك من فقر الدم والضعف لانك طالعه من عمليه..
مو شي سهل..
اختي لازم تاكلين لحوم لو يجيب لك زوجك من برى..
سمك ..لحم مشوي..لازم لو مره باليوم..مهم جداً..
وبعدين اقري الجدول مره ثانيه احس انك مانتي يمه ابد..
الا اذا كنتي مابينتي لي...
فيه بطريقتك نوع من التخبط يمكن بسبب تعبك..
لكن الاهم الحين اعتمادك بعد الله على الغذاء الجيد..
والمشروبات الساخنه..
واستخدام الحلبه والماش والفلفل الاسود والزنجبيل والقرفه
والزعتر زي ماذكرت..
والمهم الراحه النفسيه ..ماراح تخربين بإذن الله..
والرمان لاتقربينه الحين ابد..ادخلي الموضوع الخاص فيه
وشوفي طريقته ..
والجرح ياقلبي طبيعي يألمك..بس لاتكثرين حركه الا للضروره
بعد اسبوعين ممكن تتحركين بحريه اكثر لكن مو زي اول..