اليوم بعلمكم كيف تسوون ((( أم ربيان))) او اللوبستر أو الستاكوزا عند بعض العرب _________________________________ المهم .. المقاديرعبارة عن لوبستر حسب الكمية اللي تبينها (المقادير انا بسويها لأربع حبات وسط) ملعقة كبيرة كمون مطحون نص ملعقة ملح و نص ملعقة فلفل اسود ملعقتين خل احمر فنجان زيت زيتون زبدة ليمون وفصين ثوم الطريقة: تغسلين اللوبستر نظيف من برى وتقطعين الراس لانج ما بتحتاجينة الا في الديكور وتقطعين البطن او الظهر من الوسط بهاطريقة نسلق اللوبستر في طنجرة فيها ماي حار ونحط الكمون معاها مجرد 10 دقايق عشان نتأكد من نظافتها بعدين نخلط ملعقتين زيت زيتون مع ملعقة زبدة والفلفل الاسود والملح وملعقة من الخل الاحمر مع بعض وندهن فيهم اللوبستر بعد تصفيته من الماء ونتركة منقوع بصلصة مدة 10 دقايق... وندخلة الفرن على درجة حرارة 120 مدة نص ساعة او اقل حسب حجم اللوبستر بعدين تاخذين الثوم وتحمسينة دقيقة بزبدة ... وفي وعاء ثاني تكون عندج زبدة سايحة بحرارة الغرفة مقدار فنجان تقريبا وتضيفين الثوم وملعقة زيت زيتون وعصير ليمونتين وتخلطينهم لين تكون عندج كثافة الكريمة وأول ما تظهرين اللوبستر من الفرن وهو حار حطي الصلصة عليه وخلية بتشوفين الصلصة بتكون ما بين السائلة والغليضة والطعم خيال. زينها بالكزبرة الناعمة وقدميها مع البطاطا المشوية بنفس الطريقة او المهروسة بالجبنة:rrr4e: وانا عن نفسي احب اقدمها مع الخضار والذرة المشوية... وبالعافية عليكم