حبيبتي أسما المعاني : طبعا خواتي كفو ووفو معك ولا بعد حكيهم حكي وكلامهم ماعليه غبار أبد
تصدقين عاد أنا بعد كنت مثلك وكنت أنغث من زوجي وكل يوم نتحاور بشده .. وأزعل وأقول بكره ماراح يطلع وأنصدم فيه ويطلع .. بعدها كبرت عقلي وإلتمست له العذر .. من الصعب لما يكون الزوج متعود على الخروج والطلعات كل يوم قبل الزواج يجي بيوم وليله يغير طبعه فهذا مستحيل .. الوضع ياقلبي عادي توكم ببداية حياتكم وباقي ماتعود على المسؤوليه الكامله ولا على الإلتزام بأمور بيته وزوجته .. أنا من وجهة نظري لاتقارنين حالك بزوجات أصحابه تكلمي معه عن الموضوع بشكل يخصك ويخص بيتكم وزواجكم بشكل شخصي وحاولي تستميلنه لك .. وكل شي بيدنا إحنا الحريم والله ياقليبي تقدرين .. خليه يقعد يومين بالبيت والله تملين وتكرهين عمرك طبعا أنا ماأقصد بكلامي إنك تتجاهلين الأمر ولكن بشطارتك تقدرين بشكل غير مباشر وبصيغه غير صيغة الأمر تقسمين اليوم بينك وبين طلعاته .. وبعدين الحمدلله عندك بيبي جاي بالطريق فراح يتغير الكثير .. عذرا للإطاله واسأل الله لك التوفيق