[ميرنا]

المشاركة الأصلية كتبت بواسطة بيرى

السلام عليكم ورحمة الله وبركاته ازيك يا ميرنا حاولى تقرى ردى عليكى غى موضوع اختنا متى اكون ام عن استخدام الابر المسيله والهيبارين شوفى يا اختى تحاليل الاجهاض المتكرر انا عملته كلها وحقولك من خبرتى ابتدى من الاخر بصى اهم تحليل هو تحليل الثرومبوفيليا اللى بيقيس نسبة تجلط وتكلس الدم وده اشجعك عليه لو اجهاضك بيكون فى اول الاسابيع اما تحليل التورش صدقينى متحطيش بالك فيه عشان الجسم بياخد مناعه منه بعد اول اجهاض ووالله الدكتور بتاعى قالى باللفظ ان الدكاتره الخايبه هى اللى بتجيب سبب الاجهاض المتكرر عليه واعملى التحليل رقم 3 اللى انت كتباه ده بتاع الاجسام المضاده وده بيطلب مع الثرومبفيليا لانهم غالبا بيكونوا مع بعض بالاضافه الى تحليل الغده الدرقيه وهرمون اللبن والزئبه الحمراء وياريت تعملى انت وزوجك تحليل كروموسومات فى اى معمل وراثه انا عارف ان كلها فلوس كتير وتعب وانتظار خلاف كلام الناس والله ياختى انا حماتى كانت تقولى بطنك عمرها محتشيل عيل وكفايه على ابنى مصاريف عشان كده بنصحك اعملى الثرومبوفيليا والفوسفليك وتحليل الوراثه انت وزوجك والله يقر عينك بطفلك انا عارفه الاجهاض اد ايه متعب نفسيا بس احتسبى عند الله واستغفرى واقرى قرأن وادعى وصلى صلاة الحاجه وحصنى نفسك عندما يكتب الله لكى الحمل بالازكار ورقية التثبيت على بطنك وعلى الماء واشربيه وسورة البقره والله لهم مفعول السحر ادعيلى بتمام الحمل ويسر الوضع والطفل المبارك السليم المعافى ارجو ان اكون افدتك واسفه للاطاله

مشكورة مشكورة اختى ما قصرتى بس قوليلى هل تحليل تجلط فى الدم هو تحليل الاجسام المضادة او يختلف