اهلين بنات انا مثلكم قرروا اني قيصري بس سبحان الله عندي امل اني اولد الثالث طبيعي ومرتاحه وانا اللحين حامل بالشهر الخامس
اقولكم ولادتي الأولى قيصري والسبب انو الجنين اللتف الحبل السري عليه وكان مخنوق والحمد لله طلع بالسلامه وولادتي الثاني كان حجم الجنين كبير وطلبت قيصري واللحين حملت على الثاني على طول يعني وولدي عمره 4 شهور حملت الله يتمم على خير
واللي تسأل عن البنج النصفي انا ماجربته بس وحده اعرفها جربته تقول مرررره سهل ويحطوون ستاره بينك وبين بطنك عشان ماتشوفينهم وهم يسوون العمليه وتقول عطوني منوم عشان مايصير فيني شي اذا شفتهم وصحيت على طول بعد العمليه وماتعبت وكانت تنصحني انو اطلب نصفي بس اتوقع مستحيل اطلب نصفي انا خوافه
وتجربتي بالأول جاني تعب ماتتخيلونه من حيث الحركه والقومه والقعده كانت صعبه حيييل وولادتي الثانيه صح تعبت بس الحمدلله كان اخف من الأول بس اكيد ماسلمت من الكحه والبلغم وتقدروون تتخيلون الم العمليه مع الكحه الله يرزقنا برهم ولايحرمنا الأجرآآآآآآآآآمين