[حلاوه حلوه]

ابوي يالله ياعيالي وانا ابوكم اركبو خلاص صلحناها ..
ركبو كل شخص ورجع مكانه ..
ابوي هاه كل واحد يتفقد خويه اللي جنبه ..ليانا ناسين احد ..
امي ... عبير - لبيه
نوره - لبيه
محمد -تراكم نسيتوني وماجيت <يستظرف كالعاده
جوري وعزوز - لبيه
امي ... ايه اشوا كلهم فيه مانسينا احد ..

بعد حومة التسبد من الطريق الوعر اللي مدري وش يبي وكله مطبات وحصى ..
وصلنا تحت هذيك الشجره ..
تم تنزيل الاغراض وتهيئه المكان ...
وانا اللي استلم لي مركى وبطانيه وانسدح <ماتعوق خخخخخخخخ
ابوي :قومي وانا ابوتس وسعي صدرتس واستانسي ماجبناكم هنا عشان ترقدون
امي / قاعده تغلى من اليوم وهي تحلطم
انا / ان شاء الله يبه سم ابشر لعيونك بس

يالله يانوير ومحيمد شوتو علي الكوره بجي العب معكم ..
بكل جفاااسه .. شاتها محمد واذ فجائتن على راسي طراااااااااااااااااااااخ ..
أنـا / وجـــــــــــع يا^%$#@$#@%$# انقلع ياسخيف الشرهه على اللي بيلعب معكم .. وخرو بس هونت معاد ابي العب انتم وكورتكم الفاشله

اقول بدال هالكوره بس تجون نلعب حبشـه ؟
اخواني اول نبي نلعب كوره ..
انا / ابرك حـزه
بروح السياره اخمد وياويل اللي يفتح علي الباب

جا وقت الغداء ..
الله يبه رصيص يهبل طعمه ..
اخواني بين صجه ولجه ..
ابي شوي يبه .. يمه عطيني خبزه ,, يمه ابي كولا ,,, يمه فيه سفن ..؟
تغدينا وخلصنـآ ..
جلسنا جلسه عائليه .. وقام ابوي يذكرنا ببعض الوصايا والعبر
ثم قام يسولف عن حياتهم منول وكيف كانو يكرفون وكذا ..

شطحت كعـآدتي وقلت ,,,,
يبه وشلون عرفت امي ..!!
قام يضحك ابوي قال وشلون يعني ...
قلت اقصد وشلون عرفت عايله امي وش جاب لجاب
قال كلنا من قبيله وحده ومنول العرب معروفين ..
وابوها صديق ابوي ,,
قلت انا بكل حمـاس / اخسس
امي / وش اخسه هاه ؟
انا / لااقصد يعني حركات وكذا .. طيب شفتها عند الغدير وجازت لك وهي تعبي مويه لاهلها وخطبتها خخخ
امي / مأثره عليتس المسلسلات واجد
ابوي يضحك / لااماعندنا هالخرابيط ابوي نوا يزوجني وقال بزوجك بنت صديقي وبس
قلت انا / ايه يحليكم لايقين لبعض
جوري / يوووه يمه ليه ماوديتونا معكم لزواجكم |؟

عــم المكان بالضحك
وقام ابوي لاذان العصر ...
بعد صلاه العصر ابوي راح يلعب مع اخواني ,, وانا وامي قمنا نمشي >بتمصلح معها
أقول يمه ..ترا بنام عند جداني اربعاء وخميس وجمعه ..
امي / وليه تنامين .؟ بعدين كن ماعندك بيت كل فتره وفتره تروحين تنامين ,,
نامي ببيتنا وارجعي لبيتهم .,,
انا / يمه يحول تراهم اهلك بعدين مافيها شي وجدتي تستانس اذا جيت
امي / اي بالحيل دابله تسبدها ومقاحر معها ,,, مافيه نوم وبس

انـا .. يممممه شوفي وش ورانا يمممه كلب بسم الله من وين جاء؟
امـي /هدي لاتركضين لان ان ركضتي بيلحقنا ... هرولي بخفيف ..

رجعنا للمكان والكلب ابعد شوي ...
جا ببالي فكـره .. بحكم ان الجو شبه نار وضو واخواني فيهم فسقه خل العب عليهم لو مره وحده بعمري .
>>حقيره ..هههههههههههههههههه
قلت اسمعو بنلعب سباق واللي بيوصل للشجره هذيك هو الفايز طيب ؟
قالو طيب ... طبعا الكلب حول الشجره هذيك واكيد اذا شافهم يركضون بيلحقنا وبيصير اكشن وفله

طبعا بدون بزران جوري وعزوزي على جنب يالله اشوف ..
انطلقنا للسباق ورجعنا والكلب ورانا ينبح وجاي يركض من بعيد ...
واخواني يصارخون واللي تصيح واللي يركض ويصارخ اركضو اركضو جا جا جا
يوم وصلنا عند اهلي وهو يرجع ويبعد ,, قلت انا خسااااااااااااااره ماجا هنا ..
عطتني امي محاضره عشاني لعبت عليهم وخليته يلاحقهم ههههههههه
انا بكل برود / يحوول يمه هذا جزاي بخليهم يستانسون
امي / وين يستانسون روعتيهم على هالعصر حرام عليك ,,
انا / ابرك موب ميتين بعدين خلهم يجون شجعان

جا المغرب وبعد صلاه المغرب ,,
تم شبة النار وتمت قهوه المغرب ...
بوسط القهوهـ جانا حشره تطير وزززززز وززززز وزززززززز
انا / وااا قومو قومو قومو يالله يبه تكفى خل نرجع
ابوي / وراه تونا العلم على هالوقت وش زينه
أنا / يبه لا تكفى حشرات شف ذا اللي يطير وشو خنفس ولا وش وعععع والله ماجلس مالي دخل
حمودي / يـــعننــي رقيقه واخاف من الحشرات ..
انا : انـت انطم جعله تجي براسك يارب
اقول اوص لااحطها بظهرك ,,
قليل ادب انا اكبر منك احترمني ياحمار
اختي بكل ظرافه / عزيزتي عبير بخصوص اانك خايفه من النحله اللي تطير مسويه حليمه بولند مثلا ؟
انا / عزيزتي نوره بحكم انك صايره مهايطيه من لعبتي معهم كوره ,, مالك معاذ مثلآ ..؟

رحت السياره وجلست اتاملهم من بعيد << جوي غلق
لين ما هداهم الله وقضو متقهوين وطفو النار وضفو العفش ورجعنا ,,,

بوسط الطريق ...بدا اخوي يستظرف ..
عبير توني ادري انك جبانه ...
انا / تدري ليه ؟
ليه ؟
لانك اخوي ..
نوره /ههههههههههه
انا / محمد ليه انت ماصل .؟
تدرين ليه ؟
ليه ؟
لانك اختي .؟
نوره / هههههههههههههههههه
انا نوره ليه انتي ساذجه
نوره / لانكم اخواني وكل واحد اخبل من الثاني ..
محمد/ شايفتنا نكت انتي وياراسك .؟
نوره / لآ ألغـاز ..
أنا / غاز ولاسرندل .؟؟ ها ها ها
روقونا بس واهجدو الجو روقان وابي اعيش جو مع الاغنيه ..

فجاءه انقلب الحال بالرجعه ..
جوري يمااااااااااااااااااااااااااااااااااااه شوفي عزوز يمعط شعري ..
عزوز يممممااااااااااه شوفيها تلعب بالقيم بوي ..
جووري / والله نصاااب يمه شوفيه
امي عبير انتي اقرب لهم خليها تنقز عندكم
انا لايمه فكيني تكفين حط حيلهم بينهم تجي وتبثرني ..
امي أقول هها بس وفكينا من الصجه ..
انا سمعاً وطاعه مولاتي

نوره ومحمد يتهاوشون ووصل الامر الا بقس وكف وتسطيير

وباالنهـآيه خسرت نوره وجلست تصيح لين وصلنا البيــت

زئـر ابوي عليهم وهجدو وكل واحد منتفخ على الثاني .. بعكس الرروحه متحمسين وكل واحد متحمل الثاني ...

وهذا هو حالنا بكل طلعه بـر او سفر ...

مسكت معي اكتب موضوع ولا لقيت الا هالشي بخصوص ان اهلي يخططون على طلعة بر ..

تكلمـو عن طقوووسكم بالبـرآآري