[كوثرية]

الله يساعد كل مبتلاة بالتابعة ويفكها من شر الجن والإنس

البعض يعرفون أنهم حوامل قبل التحليل والسبب انهم بدوا يشوفونها في النوم


أخت تعلمني تقول أنا معاي تابعة بس للبنات، من أحمل ببنت تبدأ تجيني، وقرأت قرآن وصليت وتصدقت وصمت، وكل ما أسوي شيء تجيني التابعة في النوم تسخر مني، وتقول لا تتعبي نفسك مارح تفتكين مني لين آخذ البنت .

وفي المرة اللي سقطت فها تقول شفت التابعة وأنا بين النايمة والصاحية كأنها وقافة في غرفتي وزوجي كان موجود وصاحي يمي بس ما يشوفها، ضربتني ضربة على بطني فزيت من نومي وأنا انزف بقوة وعلى طول للمستشفى .

بس بعدين تعالجت مع أحد المشائخ وعرف كيف يتعامل مع التابعة وبشنو يبعدها ووصى المرة ببعض الأعمال تداوم عليها، وفعلاً تقول مرات أشوفها بس أشوفها وكأنها مربطة أو بيني وبينها حواجز بحيث ما تقدر توصل لي .والحمد لله جابت بنوتة وقرت عينها بشوفتها .