مقادير حلاوة الجزر ملعقتين سمنة اصيل النباتية 2 كيلو جزر مقشر ومبشور بذور الهيل فقط اللي من داخل نطلعهم من القشر وندقهم بالمدقة زين وناخذ ملعقة شاي فقط او ملعقة ونص حسب الرغبة وفنيالين كبار سكر مكسرات للزينة مقلية بسمنة اصيل اولشي نحط الجزر عالنار مع ملعقتين سمنة ونقلب بعد خمس دقايق نحط باقي المقادير ونخليها تغلي عالنار ونقلب لين يجف وينشف ماء الجزر تماما وتلاحظونها صارت مثل المربى وهذي الصور للطريقة حلى الخلاخن نضيفه على الجزر يعطي نكهة تجنن هي حلاوة هندية يسونها من الحليب المخثر والسكر ومدري شنو بعد اسرار تتواجد بالبحرين في حلويات اسيا بس هذي اللي بالصورة انا مسويه عليها طلبيه من الهند وجابوها لي ماقصروا وممكن نستغني عنها اذا ماتوافرت عندكم مافي مشكلة بس هي للنكهة وهذا شكله بعد ماجهز مثل المربى وطعمه ماشاء الله يجنن وممكن يحفظ بالثلاجه ويسخن بالمكرويف شوي بس ثواني عند الاكل العقيلي خمس بيضات ملعقة شاي هيل مطحون 3 فنيال سكر نص كوب زيت نص فنيال ماء ورد مع زعفران وكوب وربع طحين بالخميرة ملعقة كبيرة بكينق باودر سمسم للوجه نخفق البيض مع الهيل والسكر لين يستوي مثل كريمه بخلاط كهربائي وبعدين نسكره خلاص مانبيه واحين نبتدي نحط باقي المقادير والدقيق بالتدريج ونخفق بسلك البيض وليس الكهربائي عشان تصير الكيكه هشه مو معجنه وعشان يطلع العقيلي صح اتبعوا نفس المقادير ونستخدم قالب تيفال نفس وي نسيت ماصورته بس تعرفونه ويكون من الوسط حفره وهذي صور الوصفة يكة العشاق كوب ونص طحين فاخر نص زبدة لينة 3 بيضات كوب سكر ممكن نخففه لو تبون نسويه نص كوب مثلا و5 ملاعق كاكاو بودرة استخدمت نستله وملعقة طعام بكينق بودر وملعقة طعام فانيلا سائلة نص كوب ماء نص كوب حليب سائل ......... مقادير الكريمه اللي بالنص مغلف واحد دريم ويب 3 ملاعق كاكاو بودرة شوي حليبه فنيال بس .............. وعلى الوجه مقادير ال glace 4 جلكسي سادة ابو ريالين نص كوب او اقل بشوي كريمة خفق بس اولشي نسيح الجوكليت في حمام مائي موضح بالصور وبعد ماتسيح نضيف كريمة الخفق نخليها تبرد شوي خمس دقايق مانصبها وهي ساخنه جدا وبعدين نزينها بالفراولة صور للطريقة والمقادير هذا شكل البيض والسكر بعد الخفق نضيف الزبدة والدقيق بالتدريج نسيح الكاكاو نضيف البكينق باودر مع الكاكاو على خليط الكيك نخفق الدريم ويب مع الكاكاو ويستوي شكله كذا وهذي شكلها النهائي بعد ماقصيتها نصين وحطيت خليط الدريم ويب بوسطها وغطيها بالشريحه الثانيه وزينتها بالجلكسي والفراولة شوفوها شلون تجنن عشان جذي سميتها كيكة العشاق لان شكلها رومنسي و طعمها صج روووووووعة لازم تجربونها رهيبة ولا كيكة الفنادق