[شهلا]

بصراحة ياأبرار انت غلطانة وشكلو اول حمل لك،سبحان الله تذكريني بنفسي قبل ثلاث سنوات كنت زيك ’ كرامتي فوق كل شي , يعني هو ما طردك بس مو فرحان مرة انك بترجعين’ كان لازم ترجعين من زمان وتكلمينه بكل صراحة من أول يوم رحتي ببساطة (حبيبي أنا متضايقة لأنك متغير والخ...............) وبصراحة اهلك كمان غلطانين لأنهم ما شجعوك ونصحوك ’ الرجال مستحيل يقعد فارغ وانت صنعتي الفراغ , وان شاالله مافي شي من اللي في بالك ، يعني هو رجال ومايدري وش تحسين فيه وانت حامل, يحسب انك حرمة مع وقف التنفيذ ’ امكن بسبب كبر البطن وخوفه على الجنين , وما في أحد حيشرحله الا انت , انتبهي لنفسيتك , انا اتعرضت لمشكلة شبيهة و ولدت ونفسيتي زي الزفت وجاني اكتئاب النفاس والحمدلله اتعالجت الله لا يعيد ذيك الأيام’ بس اللحين أخذت درس , أي شي متضايقة منه اقوله على طول ’ واللحين انا كمان حامل ولا لي نفس في الأمور الزوجية بس أسوي نفسي اني حتجنن عليه, المهم روحي بيتك حتى لو ماهو داري وفاجئيه بحفلة أو أي شي يحبه , واتشيكيله حيل ,و بإذن الله حتى لوعنده شي بينساه وطمنيني عليك ,والله انك زي اختي