[ام ميمي ان شاءالله]

لاني ماعندي قصة حبيت ابدا الموضوع بقصة واحدة اعجبني طرحها للقصة في منتدى اخر تقول:

قصتي مع ولادتي الاولى ببنتي


بعد تعب لمدة ثلاث ايام ...رحت للمستشفى والا الدكتورة تقول بس سانتي بس سمعتها تقول كذا تحطمت

وقلت ثلاث ايام وسنتي ..أجل متى بولد بعد يومين ثانيه ..بس قالوا لانك بكريه تتأخري ..

طبعا طلعت غرف التنويم ...وبديت اسمع انواع الاصوت ....يوووة عذاااااب ...صرت احط يدي على اذني ..واقول لامي

وش ذا ما ودي اسمع ..لاني لسى ما دخلت في الجد ..بعد فترة اصبحت انافسهم على الصراخ لحد ما قالوا خلاص

غرفة الولادة...انا عاد ما قمت جالسة انتظر الكرسي اللي بيودوني عليه ..الا الممرضة تقول لا انته في يمشي يالله

ورحت امشي لغرفة الولادة وامي معايه ...لما قربت من غرفة الولادة طلعت الممرضة وقالت انته (....) وقالت اسمي ...قلت انا هي...

وشوي الا جاني طلق ..قلت سستر كوكلي <<<احلى عندي لغات ....

على بالي بس ادخل باولد وافتك ....وما رضيوا يدخلوا امي معاي ....فاعطتني رزمه مناديل اخذتها بسرعه ودخلت جرييي ..

الا اتقابل انا ووحدة بننا ستارة فقط .... وهي كمان بكريه .....انا اصيح وهي تصيح ....

هي تقول تعبت ...قلت وانا تعبت ...........قلت انا ابغى عملييييييييييه ..قالت ابغى عمليييييييييييه

من غير شعور نردد ورى بعض ...

حتى اذا صاحت وانا ما جاني طلق ..افتح فمي دوري انا اصيح خخخخ والله جنان ...

حتى كانت ممرضة تجي تضغط على بطني ..واقول لها ..لا لا لا تعوريني بعدي يدك ..واجلس وحط عيني بعينها

واشر باصبعي واقول : لا عاد تعيدينها توجعيني ....وشوي ارجع اناااام واصيح ..

لحد ما جا الفرج من رب العالمين ..

والا الخياطة كل شوي اقول ..دكتورة كوكلي ...وشوي أأشر بيدي(بسرعه) بليز دكتورة ..

وشوي اقول فنششششششششش ....والدكتورة اذن من طين واذن من عجين ..

وانا تعبت ابغى ارتاااااح وانام .....

واخير اخذتني الممرضة الى غرفة التنويم بعد ما جلستني على كرسي متحرك ...

وغطتني بطرحتي بعد ما لفتها على رقبتي خمس مرات ..واخذت شرشف حق السرير ابيض ..

وغطت جسمي بيه ..مثل الحلاقين ....عشان كان وقت زيارة والرجال في الاسياب ....

انا انا مبسوطة ما شفت شكلي الا في مرايه الاسنسير . .افشل تقولون جايه من كوكب ثاني ..

وجهي مغطى بطرجة سودا والباقي بشرشف ابيض خانقتني بيه ...والله من خجلي ما قدرت اطالع في شكلي ...

ودخلت الغرفة لقيت امي الغاليه تنتظرني هي وزوجي .....

والحمدلله مفرج الهموم ...

قصتي صارت مسلسل مكسيكي


وسلامتكم