[نـــــــارا]

أنا اشتريت كراسي للسيارة ماركة جيكو.. ولين اوديهم المستشفى أو مضطرة أروح مكان احطهم فيهم.. يصيحون شوي في البداية بس من تتحرك السيارة ينامون

بس طلعاتي قليلة بل معدومة زوجي وسواسي ويخاف عليهم من كل شي وانا عكسه جريئة
بس ما اتجرأ أطلع بدون اذنه ما يصير ولهذا محبوسة بالبيت

صار لي اسبوعين اطحن أبي أودي قطع للخياط عشان اخيط لنفسي فستان لعرس ولد خالي وثياب وهو كل يوم يتعذر بشي بحجة الجو بارد ويخاف عليهم وأنا أقول له ما بينزلون من السيارة بنلفهم وبنركب السيارة وانا بنزل لحالي الخياط وهو مو راضي اليوم بس قبل بعد ما ظعلت عليه وأخيراً رحت أفصل فستان لزواج ولد خالي!

القهر لين أقول له بتركهم عند أمي وأبوي وبروح يقول لي أخاف يسوون فيهم شي!! بذمتكم شرد عليه؟؟؟ يقهرني يعني ما ادري امي وأبوي شبيسوون فيهم إلا خايف عليهم منهم!!! يقهر والله عن جد يقهر هالكلام.. وهذا أنا للحين عند أهلي صار لي أكثر من 3 أشهر ما اقدر أرد البيت لأن ما عندي احد يعاوني وزوجي يروح الشغل وما يرد إلا الليل! بروحي معاهم ما اقدر!

زود الغلا... تاريخي ماسي مو ذهبي بعد ولدت 10/10/2010 >>> في أحلى من هالتاريخ؟؟ والساعة 10 الصبح بعد وغرفتي بالمستشفى كان رقمها 10 بعد :d