انا بكريه ولما جاء موعد الدوره جاني زكام وكان ينزل مني دم خفيف وغريب تخيلوا أنا على بالي انها دوره وشربت قرفه وزنجبيل ابيها تنزل وربي اني غشيمه ماعرفت اني حامل المهم واروح لمستوصف اهلي عشان اشوف وش علة الزكمه واخذ انواع الأدويه حبوب وشراب {بس الحمدلله ان ربي ستر علي وعلى جنيني}
طبعآ بخصوص الدم اول يوم مانزل الا دم خفيييييف وثاني يوم نفس الشي وثالث يوم نفس الشي وخلال هالفتره احس بكسل وخمووول واكره الشغل ودي بس نااايمه بفراشي قلت الوضع ماينسكت عنه ابد ابد
وبحكم اني بعيد عن اهلي وماعندي في نفس المنطقه الا خالتي رحت لها وحكيت لها الوضع.. وقلت لها كل شي احس فيه قالت اعراضك اعراض حمل وقفي لاتشربين اي شي ولاتاكلين اي دواء الين تسوين تحليل حمل وتتأكدين
بصراحه انا خفت لأني كنت اطامر واشيل الطاولات وارتب البيت وارفع اشياء ثقيله
المهم قلت لزوجي على جهاز تحليل الحمل اللي بالصيدليه راح طيران وجابه وعملت التحليل الصباح وطلع خطين واتفاجأت بصراحه , وقلت يمكن مايصدق التحليل .. ورحت العصر وعملت تحليل دم وطلع فيه حمل بصراحه زوووجي انبسط واستانس وقام يرقص ههههههههههههههههههه
بنات ادعوا لي ان الله يسهل علي لأني تعبااااانه كثير من الحمل ومن لوعة الكبد واقرف من زوجي المسيكين والسبب الوحم
انا الحين في منتصف الشهر الثاني وحاليآ عند اهلي :)
سوري ع الإطاله بس هاذي قصتي بالتفصيل ^_^