[الياه]

بروفكشن
الله يخليلج بيبياتج،ويحفظهم لج من كل شر
اليهال لين 6 شهور وهم يعانون من الغازات والمغص
والأم تعاني وياهم
دفي شوي زيت زيتون
ومسجي لهم بطنهم على من تحت القفص الصدري بشكل دائري
لين تحت
ودفيهم عدل خاصة بطنهم
وحاولي دايما تخلينهم (يتجشأون)أونه بالفصحى
عقب كل رضعة
وبعد حركيلهم رجولهم بدفع شوي شوي على بطنهم
( مب تلاعبينهم كاراتي)

وبالنسبة لماي غريب، ما انصحج صح كل أهلنا
استخدموه قبل، بس عندنا مانعينه في الصيدليات
ويبيعونه بس في السوبرماركت
لأنه يعتبر منوم
أغلب الأطفال يوم يشربونه ينامون
هل ترضين تعطين عيالج منوم؟!!!!!!
أكيد لا!!!

عشمانه
الله يبعد الضيق والهم عنج، ويعافيج من كل شر
عادي حبيبتي لا ضيقين بعمرج
طبيعي، كلنا تينا حالات ضيق وهم
بس حاولي تذكرين شي يسعدج، أي موقف حلو
أبتسمي" الابتسامة فيها سر يرسل اشارات للمخ
تبعث على السعادة"
وأكثري من الاستغفار،هو مفتاح كل ضيق وهم

عن شداد بن أوس رضي الله عنه عن النبي صلى الله عليه وسلم قال “ سيد الاستغفار أن تقول: اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت “

ابتسمي تبتسم لك الحياة