ياقلبي سلامتك اجل لو قلت لك قصتي ايش راح تقولي ههههههه انتي اهون مني ولله الحمد تعرفي ليش ؟؟ لأنك لسا بالشهر الرابع وقدامك فررصه كبيره ان شاء الله تعووضي بأكلك بس أنا بقولك قصتي مع فقر الدم هذا بجد كرهتوو ههه شوفي أنا في الشهر السابع طلبت مني الدكتوره اسوي تحاليل وسويت ولما رحت المختبر قالت لي السستر انو في جهاز من الاجهزه خربان وفي واحد من التحاليل ماطلع .. المهم اخذت تحاليلي ورحت للدكتوره وقالت كل شي كويس بس تحليل الهيموجلوبين الي هوا الحديد مهم وانتي ماسويتيه قلت الجهاز خربان ورجعت البيت ولا اعطيت للموضوع اهميه راجعت بعد نص شهر في مستشفى ثاني وحللت طلعت نسبه الحديد في الدم 9 والطبيعي كان 12 قالت لي الي بالمختبر لازم تأكلي كوويس لأنك حامل وانتهبي ومن دا الكلام المهم رحت للدكتوره ووريتها التحليل قالت زيدي الحبوب حقت الحديد لاني كنت آخذ وحده باليوم وصرت اخذ حبتين وقالت لو ما ارتفعت راح تنضطر نعطيكي ابر حديد !! الين تقريبا نهايه الشهر الثامن اخذ حبتين وحسنت اكلي شويا وصرت اكل خضار وكبده واشياء فيها حديد ورايحه المستشفى بحلل وأنا مبسووطه وحاطه في بالي انوو النسبه طلعت تخيلي رحت بدايه التاسع حللت وقت النتيحه اطالع الا اشوووووووف !!!! تخيلو صارت كم ؟؟ صارت نسبه الحديد في الدم 8 < قسم بالله بغيت ابكي .. تعرفو حبوب الحديد والي تسببو من امساك وبهاذل المهم رحت للدكتوره وأنا محبطه جدا جدا لأني بالتاسع خلاص ومافي وقت الا الدكتوره قالت خلاص على طوول ابر حديد لازم تأخذي من اليوم .. وكتبت ليا 5 ابر كل يوم أبره تخيلووو مو يوم بعد يوم لا كل يوم .. المهم كنت اروح كل يوم آخذ ابره وانواع الطزطزه بالابر والوريد مايمشي فيه المحلول وتغير وعلى هذا الحال 5 ايام .. رجعت للدكتوره وفرحانه خلاص خلصت قلت بتقولي حللي خلاص قالت لا لسااا !! كمان 5 ابر ثانيه < اهي اهي لسا راح اتخررم ثاني :( وزي الاسبوع الي قبلو كل يوم ابره وتخرريم الله لا يوريكم لحد قالت لي الممرضه الوريد صار معدوم ماعاد يمشي فيه المحلول وكمان عشان تعرفو مده المحلول من ساعه الى ساعه ونص تخيلو انواع الطفش وانتي تستني نقطه نقطه الين يخلص وتنتهي .. خلصت العشره ابر ولله الحمد بعد معناه وتعب بس احستبت هذا كلو وقلت ان شاء الله مأجوره وبعدها قالت اصبري يومين وحللي وحللت بعد يومين ومرره كنت خايفه وقت النتيجه .. اخذتها وشفت النتيجه كانت بعد العشره ابر تخيلووو كم ؟؟؟ صارت 10,4 ورحت للدكتوره وقالت الحمد لله دحين تعتبر طيبه مع انو الطبيعي يابنات 12 بس قالت احسن من أول بكثير كنت خايفه تزيدني ابر ثاني ماكنت ناقصه لانو يدي ورمت من كثر الابر وكانت مزرقه كل مكان جربو فيا بس الحمد لله .. المهم أنا دحين بالتاسع نهايتو خلاص كتبت ليا حبوب حديد اقوى من اللي اول كنت آخذها ودحين ماشيه عليها الين ربي يسهل عليا واولد على خير يارب بس ماتتخيلو قد ايش الحبوب دي مرا تتعبني لانها تسبب غثيان واحس بعدها اني ماني طيبه بس اتحمل كلها كم يوم ان شاء الله واولد وارتاح .. يارب تكونو استفدتو من قصتي ولو في وحده وصلت للشهور الاخيره وقالو لها ابر خلاص تأخذها قبل توصل التاسع انا دكتورتي قالت كل يوم ابره لانو ماكان في وقت وخافت اني اولد بدايه التاسع وقالت خطر عليكي لانو فقر الدم يسبب نزيف وممكن تروحي فيها .. دعوآآآآآآتكم ليا بولاده سهله ميسرره :)