بسم الله الرحمن الرحيم السلام عليكم ورحمة الله وبركاته ازيكم يا اخواتى ........... ان شاء الله بخير عندى موضوع مهم عن الحفاضات الصناعيه انا متجوزه وحامل ف البكريه دلوقتى وشوفت سيدات كتير عندهم اطفال وبيستعملو الحفاضات دى بس واجهتم مشاكل كتيره منها التسلخات والاتهابات والمصاريف ع الحفاضات اهمها طبعا وانا باذن الله ناويه بعد ما اولد ما استعملش الحفاضات دى واستعمل فوط وفى كلوتات بتيجى من جوه قطن ومن بره بلاستيك عشان ما يسربش البلل لبره نيجى للمهم وحده صحبتى جوزها بيشتغل فى السعوديه كان جايبلها فوط انا ماعرفش شكله هى تقول انها فوط عاديه قطن تقريبا بيمتص البلل وما يخليش البلل ينزل ع الهدوم يااااااااااااريت اللى تعرف حاجه عن الفوط دى تقولى الاقيه فين لان اخويا بيشتغل ف المدينه ولما سالته عن الفوط دى قالى ماعرفوش بس اتاكد موجود فين وانا ابعتهولك ياريت اللى تدخل ما تطنشنى وترد عليا خالص تحياتى