[عواشه]

شخباركم بنوتات.. انا عضوه يديده واستانست وااايد لما لقيت هالمنتدي ... وعلى طول اشتركت لا نقاش

انا متزوجه من 11 شهر وللحين ما صار حمل.. رحت انا وزوجي انراجع عند دكتوره وقالت انه عندي اشويه التهابات وعطتني ادويه والحمدلله راحت
وزوجي عنده الحيوانات المنويه حركتها ضعيفه بنسبه قليله.. وعطته مقويات وفيتامينات والحمدلله منتظمين على العلاج

انا دورتي منتظمه والحمدلله التبويض عندي نشط جدا على قوله الدكتوره حتي على بالها اني اخذ منشطات بس انا ما خذت والحمدلله يا رب

المهم اخر دوره ياتني 1 -12.. ومدتها 29 يوم... يعني بالضبط المفروض اتشرف يوم الاربعاء الياي....
ولكن الاسبوع هذا احس باعراض مختلفه.. وجع كاما جسمي خاصه افخوذي وظهري ونغزات اسفل البطن... ولوعه خفيفه وشويه ادوار ووايد اروح الحمام عزكم الله...

رحت المستشفي وسويت تحليل دم مبكر.. يعني قبل موعد الدوره ب 5 ايام وطلع نيجتف ومستوي ال hcg طلع 1.81

هل هذا معناته انه ما فيه حمل والا انتظر لين الدوره؟؟ منو مرت بنفس اعراضي وحللت وطلع نيجتف وبعد فتره حللت وطلع بوستف... ارجو الرد وشكرا