[Natsomi_chan]

بنات أنا عن جد محتارة

ما جهزت شيء لإستقبال المولود!!
لأن كل شيء مكلف....وبعدين الناس ماتقدر أن هذا شيء دفعتي فيه فلوس، راح يأخذوه و يرموه بالزباله (الله يكرمكم)
وأنا زوجي ما عنده إستعداد يدفع، وهذا أول طفل لي.

مفرش نفاسي هو مفرش جاهز لونه سكري و بنفسجي، مفرش عادي بس حلو، أمي إشترته.
وبسسسسس.......
ماجهزت شيء
أفكر: كيف أجهز الغرفة في بيت أهلي؟ وش أحط فيها؟
كيف أجهز الغرفة بالمستشفى.....بشكل معقول و مقبول و غير مبالغ فيه؟
أحط بالونات مثلاً؟ و فازات شوكولاتة؟
علموني

وش أقدم للناس في بيت أهلي؟
هل أشتري شوكولاتة باتشي وبس؟
صحون حلويات أيضاً...و معجنات؟
كله جاهز؟
عادي؟ ما راح تتكلم علي الناس؟