مرحبا صابايا...
طبعا كلكم عارفين انو جتني الدوره .. صحت كثير.. مررره ضاق صدري..
بس هالشي ماخلاني اعترض على قضاء الله وقدره...
الحمدلله على كل حال... اللهم لا اعتراض يارب... لعل الامر فيه خير لي..
وربي مايكتب الا اللي فيه الخير...
بقولكم مشكلتي وياليت تساعدوني اذا تقدرون..
انا متزوجه من 11 شهر تقريبا.. ماصار حمل الى الان...
الفحوصات كويسه.. بس ماربي كتب الى الان
يارب عوضني خير
اخذت كلوميد شهرين ورا بعض ولا حصل حمل... الشهر اللي بعده ماخذت شي...
الشهر اللي راح خذت ابره منشطه وحده بس..وبعدها بيوم ابره تفجيريه... وتفائلت كثييييييييير... وقلت ان شاء الله ربي بيكتب لي حمل هالشهر
بس قدر الله وماشاء فعل.. نزلت الدوره..
اليوم رحت للدكتور اللي اتابع معاه التبويض .. شوفوا وش قالي..
قال من بكره اللي هو ثاني يوم الدوره بعطيك كلوميد حبتين في اليوم لمده خمس ايام وبعطيك برضوا 4 ابر منشطه( تجي بكرتونه وحده) من بكره ابدا اخذهم كل يوم ابره...
بصراحه ما اخفي عليكم خفت.. انا ماعندي ضعف بالتبويض عشان يعطيني كلوميد و4 ابر منشطه...!!!!
بصراحه انا خايفه اخذهم لاني سمعت انو فرط استخدام المنشطات ممكن تسبب تكيس
وممكن تسمن .. وممكن ينتفخ البطن...وممكن تسبب حمل التوائم..
بصراحه انا مره خايفه... ايش رايكم؟؟؟ وش تنصحوني فيه اخذهم ولا لا؟؟