السلام عليكم احلى حوامل ...
عم بكتبلكم تجربتي الخاصة بإبرة الظهر ... انا بكرية وولدت طبيعي الحمدلله قبل شهرين بعد ماكان الطفل متعرض ورأسه فوق والكل اجمع على استحالة استدارة الطفل ولكن ربنا اكبر من الجميع .. دار رأس الطفل للأسفل بالأسبوع 41 من الحمل ... وولدت طبيعي وأخدت ابرة الظهر
.. طبعا بدأت بالطلق الطبيعي لمدة 6 ساعات ما فتح عنق الرحم الا 1 سم ونصف فقط... كنت بموت من الوجع وكنت اتصور انه انفتح 6 سم على قد الوجع ... المهم بعدها قلت حقي برقبتي وطلبت الإبرة وأعطوني اياها وبعدين اعطوني طلق صناعي وضليت شي 5 ساعات وخلال هالخمس ساعات والله ما حسيت بشي مطلقا كإنه كذب .. بالعكس ضليت اضحك مع زوجي وأحكي تلفونات مع اهلي وصديقاتي ونتصور بالكاميرا وأصور بطني وهو كبير لآخر لحظة ...المهم جا الدكتور بعد 5 ساعات وفحصني وقال مفتوح شي 5 سم وفرحت كتير .. قال اول 5 سم بتكون صعبة وبطيئة اما ال5 سم التانية بتكون اسرع بكتير .. بالفعل اجا عالساعة 7 ونص المسا وقال مفتوح عشرة سم وانا والله ما ادري عن نفسي شي نهائيا ... بس اشوف الطلق عالجهاز وفقط وما احس بشي نهائيا ...
المهم قال جهزوها ولادة ... بس قالولي ادفعي ادفعي ضليت ادفع للساعة 8 وربع يعني بس شي 45 دقيقة واحلى بنوتة كانت بين ايدي ... والله ما حسيت بشي ولا دريت عنهم انهم طلعوا البنت الا لما شفتها استغربت قلت شو هاد الشي بعدين ادركت اني ولدت بالسلامة ...
الله يعطيكم متل ولادتي ... قولوا ماشالله ...
اي استفسار انا جاهزة ترى ..