[لوللا]

مساءكم عنبر .. والله يا اخت درر انا فعلا مدري ليه بيعملوا زحمه على هذا الموضوع ..
سواء الاب او الام ..

لكن سأعلق تعليق بسيط .. لو اصر الزوج على تسمية المولود بإسم والده او والدته ليتحجج بأن هذا من البر ..فلدي سؤال لهذا الزوج البار كما يدعي ..
وهل مجرد إطلاق اسماء والديك هو البر بحد ذاته ؟؟
كم سمعنا من اناس يسمون ولدهم على اسم الجد والبنت على اسم الجده .. وتجدينهم للأسف لا يزورونهم حتى إلا مره واحده اسبوعيا هذا ان زارهم ..
يمر الولد على ابوه او امه .. ولا يعطيهما شيئا مما رزقه الله من مال وماشابه .. فمن حق الاب او الام ان يعطيهما ابنهما ولو شيئا يسيرا فهذا من باب الصله ..
اذن مافائدة التسميه إذا فقدت امرو كثيره ؟؟؟

الشيء الثاني ايضا اود التعليق عليه .. احيانا يكون الاب والام على كبر سنهما إلا انهم يفكروا فكر حديث ومتحضر ويطلبوا من ابنهم عدم التسميه لان الاسم قديم او مافي داعي تتكرر الاسماء ..
لكن انا اشوف .. لو تمت التسميه على اسم الجد . بطلب من الزوج فما فيها اشكال اما البنت بصراحه ما اجد لها داعي ابدا انه يطلب مني التسميه على اسم امه ..مدري يمكن لان الولد عادة يحمل اسم العائله ..بس لو طلب الزوج تسمية المولود الاول على اسم والده مافي داعي تعصب الزوجه وتقلبها دراما .. لانه هذه اعراف وان لم تعجبنا سائده .. والمولود صدقوني يجي ومعاه اسمه سبحان الله احيانا تجهزي اسم بس لما يتولد النونو تلاقي نفسك غيرتي .. فسبحان الله ..

انا عن نفسي زوجي نهائيا ما جاء في باله يسمي على اسم ابوه .. لان ابوه اساسا ماسمى على اسم ابوه (( يعني جد زوجي )) لكن انا اخبرته إذا كان يبغى يسمي بإسم ابوه عادي .. خاصة انو اخوانه الإثنين المتزوجين كل واحد عنده 3 بنات وماعندهم اولاد ..
اما اسم امه فهو قالي من بدري ما حنسمي بإسم امي لانو اخويا خلاص سمى بنته بإسم الوالده ..

وفي النهايه .. هذه القضيه المفروض انها ماتزعزع العلاقات بين الزوجين .. الطفل القادم هذا ارتباط اكثر بينهم .. فمافي داعي يبدأو استقباله بمشكلة التسميه ..

آسفه على الإطاله .. وشكرا لك اخت درر