اهلا وسهلا بيكي طبعا يا روز ده شيء يسعدني جداااويشرفني انك تكوني معانا وكلنا نفيد ونستفيد من بعض نعين بعض علي الطاعة والتغيير لأفضل ان شاء الله اسعدتني اوووي مشاركتك معانا
بالنسبة لموضوع كظم الغيظ حبيبتي
اول شيء و قبل اي شيء
لابد ان تخلصي النية لله في كل اعمالك في كل حياتك بمعني اخر
تجلسي مع نفسك وتقولي لها ان كل حاجة بتعمليها في حياتك هي لله وبس حتي لعبك مع اولادك خليها لله حتي جلستك مع زوجك لله توضيبك للشقة لله خروجك للفسحة لله وده مش هيكون غير لما تقعدي انتي مع نفسك وتقتنعي وتخلصي النية لله في كل افعالك تصدقي انك بعدها هتحسي براحة ما بعدها راحة لسبب لان قد تتعرضي لظلم وده بيحصل لاننا بشر مش ملائكة
لو حصل واتظلمتي مش هتزعلي ولا هيكون رد فعلك عنيف لانك مش تعبتي ولا عملتي للشخص اللي ظلمكومش مستنية يرد لك الاحسان وانما عملتيها لله والله المكافيء
ثانيا فرضا انتي بالفعل تأثرتي بالموقف وتضايقتي رجااااء قبل ما يكون ليكي رد فعل عالموقف تذكري ان الله شاهد عليكي رقيب عليكي تخيلي ان الرسول واقف قدامك صلي الله عليه وسلم هتقدري توصلي لقمة الثورة والغضب ده لاء طبعا
طيب وقت الغضب اقولك تعملي ايه
اولا استعيذي بالله من الشيطان الرجيم كتير
لقوله تعالى ( وإما ينزعنك من الشيطان نزع فاستعذ بالله من الشيطان الرجيم )
ثانيا لو واقفة اقعدي لو قاعدة اضجعي غيري من جلستك بس مش تقفي خالص وانتي غاضبة لان
الرسول صلي الله عليه وسلم
قال ( إذا غضب أحدكم وهو قائم فليجلس ,فإذا ذهب عند الغضب و إلا فليضطجع )
ثالثا الوضوء ومن الأسباب التي تطفئ الغضب
لان النبي صلى الله عليه وسلم قال: إن الغضب من الشيطان، وإن الشيطان خلق من النار، وإنما تطُفأ النار بالماء، فإذا غضب أحدكم فليتوضأ”
يبقا اول شيء استعيذي بالله من الشيطان الرجيم وغيري من وضعك اقعدي وافضل شيء انك تذهبي وتتوضي وتصلي ركعتين لله
واسأل الله تبارك وتعالي ان يجعلنا من الكاظمين الغيظ
اللهم امين