اولا اشكركم كثير على كلامكم الي ريحني وفي نفس الوقت اتعبني
انا مابررت ابدا لزوجي وعارفه انه غلط ماتكلمت وطلبت نصيحتكم عشان تقولو لي اني واقفه في صفه وهي ابغى افضحها لا والله غرضي في التبليغ مو هدايتها ولا فضيحتها (انك لاتهدي من احببت ولاكن الله يهدي من يشاء)
غرضي اكفي شرها واحط نفسي مكان اي وحده ممكن يسوي زوجها مثل زوجي
ويجرحها كم معاناه ممكن اختصر لو بلغت
انا حقي ربي بياخذه لي
فكرة الشريحه خطرت على بالي بس وش الفايده بتطلع رقم ثاني وتستمر
بصراحه تفاجأت من هجومكم واني ادافع عن زوجي انا لو شاكه واحد في الميه انه مو غلطان ماكتبت مشكلتي من الاساس
زوجي اول مره يغلط من تزوجته والله يعفو ويغفر مين انا عشان ماسامحه هذا اذا كان قلبي فعلا سامحه
لاكن وحده ماعرفها ولا عمري ضريتها تبغى تخرب بيتي بدون سبب ليه اسامحها
هذا حق شخصي والنار ماتحرق الا رجل واطيها الي قالو اني متحيزه ماحسو بالي مريت فيه بعدين زوجي رديته وهي من بيردها عن بنات الناس تقول انا اموت في العوائل السعيده تجذبني لان متعتها في خراب البيوت تنزل تتصيد الناس وقت الرواتب كم بيت خربت كم قلب حرقت اعظم امر عند الشيطان يسعده التفريق بين المرء وزوجه حطو انفسكم مكاني ورح تحسو فيه فعلا
وبعد مافكرت واستخرت قررت اتركها لربها يريني فيها عجائب قدرته ويبعدها عن عباده الصالحين ويكفيني فيها بما شاء