بسم الله الرحمن الرحيم
السلام عليكم ورحمة الله وبركاته /
كيفكم يالغاليات يارب تكونوا بأتم الصحه والعافيه
طبعا انا الحمدلله دخلت الشهر التاسع بس في امور واسئله كثيره شاغلتني بما اني بكريه واكيد كثير بنات مثلي ...فحبيت استفيد من تجارب وخبرات الاخوات اللي ولدوا قبل كذا لو ممكن ...
اول سؤال / متى اقدر استحم هل استطيع بعد الولاده الطبيعيه في نفس اليوم يعني في المستشفى ولا لا ؟؟ وإذا لا كيف اعتني بنفسي بعد الولاده على طول لاني مااحب احد يجي وانا مبهذله وريحتي مو تمام ؟؟؟
ثاني سؤال / الخياطه كيف انظفها ماني عارفه هل اخذ معي غسول بيتادين وكريم للمستشفى ولا عادي اليوم الثاني استخدم الغسول ؟؟؟؟
ثالث سؤال / عادي اخذ عطر خفيف ومزيل عرق وبودره ولا تضر ؟؟؟
رابع سؤال / البيبي هل اخذ له اغراض استحمام من شامبو وغيره ولا هم يروشونه من عندهم لاني ماجهزت الا ملابس وحفايظ ومناديل مبلله وسودو كريم وبس؟؟؟
اسفه طولت عليكم بس ياليت الامهات يفيدوني ربي يخليلكم اطفالكم بخير وسلامه يارب 