[om feesal]

المشاركة الأصلية كتبت بواسطة أم الشيخ خلودي

بنات خدمه واكون شاكره من قلب قلبي انا بكر ومحتاره ومابعد جهزت للنونو
ابحث اشوف عن التجهيزات بالنت واشوفها مبالغ بها ولاادري وش اخذ
بنات الي شرت وكملت تحط قائمتها استفيد منها شايله هم مره
ومدس البيبي وش طايحين فيه احين اذا جاني احد وطلعته لاني والله مني حاطه طقم
صار دقه قديمه تعرفون محلات بالرياض تبيع اشكال حلو مع الروب حق النفاس
وسلامتكم والله يهون علينا جميع

بما أني توني مجهزه بس للحين ما خلصت بقالي كم شي

شوفي ياعزيزتي من حوستي بالأسواق والدوران

خذي الأشياء اللي للبيت من مهاد وبربتوزات وغيارات من الهرم والمبارك ستايل عندهم أشياء مره حلوه وأسعارها روعه

لانها بتستهلك ومارح يستفيد منها الا لشهر أو شهرين وبتحتاجين تشترين جديد


الأشياء اللي بتستهلك لفترة طويلة أو للتقديم أو للطلعات مو خسارة تشترينها من أي محل ثاني مثل سنتر بوينت أو مذر كير لان قيمتها فيها .



انا عن نفسي أخذت من سيتي ماكس بربتوزات داخلية مسوين عرض 3 بـ 20

أخذت وحدة كم طويل وحدة كم قصير وحدة كت

من الهرم والمبارك
أخذت 10 بربتوزات كامله " اللي بالرجلين "
وأخذت ثلاث بجايم معها بربتوزها وقبع وهذي اللي لليدين وشرابات
وأخذت البربتوزات الداخلية الملونه عجبتني بس كانت صيفيه فأخذت مقاس 3-6 وكان سعرها مره حلو
أخذت مهادات ومقاطات
الصراحة عندهم أشياء حلوه وأسعارها مناسبة جداً للجميع
خصوصا لغيارات البيت


طبعا بالنسبة للمقاسات بالنسبة لمقاس 0 أو نيوبورن أو s لاتكثرين منه
لانه مارح يلبسها فترة طويله

أخذت من سنتر بوينت طقم كامل فيه ثلاث سدارات وبربتوزين كامله وبربتوزين داخليه وبلوزه وشورت وبنطلون ومهاد وفوطة وهذي حقت الرضاعة وقبع وحقت اليدين وشرابات بـ 135 على ما أذكر

وأخذت لي طقم ثاني صغير بـ 45 على ما أذكر
البطانيات كم مهاد كشخة شوي والفوطة والرضاعات والمصاصات وطقم فيه فرشاة شعر ومشط وقصاصة أظافر وأشياء زي كذا وحلمات واشياء ثانية ماذكرها كلها أخذتها من سنتر بوينت

الصراحة عندهم أشياء حلوه ومضمونه

لان زوجي مره حدني على ميزانية أحسها ماتكفي بس أحاول قدر الإمكان إني أشتري اللي ابي بسعر مناسب

وان شالله عن قريب انزل الصور


وبالنسبة لطقوم التقديم والله للحين مالقيت شي مادري ماعجبني شي
بس وحدة من صديقاتي مدحت لي محل في أسواق المجد وكم محل بأسواق مكه ومحل نونو
وللحين ماشفتهم