[أم الشيخ خلودي]

المشاركة الأصلية كتبت بواسطة $حبيبة زوجي سطومي$

مرحبا حبيباتي
اختي الغلا ام الشيخ المدسات تبينها ولادي والا بناتي؟
انا عشان قالوا لي ولد رحت وشريت المدس اللي على شكل بشت شريت سكري ومطرز بذهبي
مثل كذا


عشان يكون طقم مع مفرشي وجلابية النفاس
انا رحت لاسواق مكه واوشيقر واخذت المدس من اوشيقر عند محل صغير مندعس ههههههههه يالله شفته
كل المحلات اللي لمه عندهم مدسات بس هالمحل لقيت المدس عنده صغيرون والثوب اللي فيه حلو فخم مو ثوب عادي مثل باقي المدسات ثوبهم عادي والمدس كبير ولقيت عنده اخر حبه بعد بس اكيد بيجيب او عند احد غيره انا عشان زوجي فوق راسي واقلقني اخلصي اخلصي فلقيته بوجهي واخذته ودورت صغير عشان مايضيع فيه البيبي لما تحطينه فيه
انا قالوا لي اشتري المدس اللي اسمه البربري الماركات بجد فخم وروعه بس تفصيل اللي بهذا الشكل



تلقينه بااسواق مكه في محلات المواليد او في محلات اوشيقر بس للاسف يوم رحت لهم قالوا ماعندنا جاهز نفصل لك بس
طبعا زوجي لو اموت مارجع للسوق مره ثانيه لانه مايحب الاسواق ولان السوق بعيد
وعلى فكره في سوق قريب من الحي حقي اسمه اسواق ريمان بحي البديعه
يوم مريت عنده لقيت في محلات الاطفال مدسات بالهبل واشكال حلوه ولادي وبناتي قلت ليتني رحت له اقرب من اسواق مكه واوشيقر
اسفه على البربره خخخخخخ بس اتمنى افدتك

ياقلبي ماقصرتي الله يسعدك ويعافيك .. سويت سونار بس الدكتوره مشككه بجنسه
فبشتري محايد
يختي حتى الولاده مدري وين بولد مره ضايقه انا بالقصيم وعلى التاسع بكون بالرياض عند هلي
وعلى كلامك لا الجامعي ولامدينة الملك فهد بيقبلون :( شكل مالي الا اهلي
الاسره بكم الولاده فيه ؟؟؟
الله يهون عليك كل مادخلت المنتدى اشوفك تشاركين اقول مابعد ولدت الحرمه خخخ