انا زوجة اولى متزوجه لي سبع سنوات وعندي بنتين الله يحفظهم الكبيره عمره 6سنوات والصغيره سنتين ..
ومتزوج زوجي عليه ثنتين الثانيه كانت مطلقة من اخذها وهو مشاكل معها طبعاً ماعاشت معه وماشفتها بس كلمتني بالجوال اكثر من مره وهي الحين معلقه لامتزوجه ولامطلقة وبعد ماخذها بسنه ونص تزوج الثالثه قبل 3شهور وهاذي وصلت الثلاثين وماتزوجت من خطبها زوجي وافقت وهي بنفس عمري بالضبط مولودات بنفس الشهر والسنه عمرنا 30 سنه..
طبعاً في كل الحالتين تحجج بالخلفة وانه يبي اطفال لاني اتاخر بالحمل ..
الحمدلله احتسبت لله الامر وامنت بان كل مايصيبني هو خير لي..
الثالثه من اخذها وانا اسمع عنها مسكينه وضعيفه معها الكفائه المتوسطه وماهي مكملة الدراسه بعد ماتزوج باسبوع رجعت لبيتي لان كان عندي دوام ومن رجعت وزوجي يقول لي تبي تزورك اول شيء رفضت وبعدين استخرت وقلت خليني اشوفها واشوف وش هي من مره...
المهم زارتني ومن اول شيء قالت لي انا ان شاء الله اخت دنيا لك قلت زين دامها تخاف الله تمام وقلت لها شوفي يابنت الناس ان طبتي لي مد طبت لك بحر شفت منك اي شيء يضايقني قطعتك لاشوفك ولاتزوريني زوجي انا عارفه يحبني ولايرخص فيني علشان كذا سكت واحتسبت وهو طبيعته اصلا مزوااااااااج يعني فسقان ...
والله اني الان اعاملها بالحسنى لوجه الله وادخلها بيتي وماحسسها انها ناقصه عني بشي وان لما زوجي يسبها اني ادافع عنها واقوله خاف الله لاربي يبلاك بناتك بواحد مثلك لعاب ..
رغم ان في ناس تحذرني منها وتقول بس تحمل راح تشوفي الوجه الثاني بس انا داقه طناش اقول انا اعاملها بالحسنى لوجه الله وماشفت منها اي شيء..
ويارب لك الحمد ربي خصني وميزني بنعم احمد ربي عليها ليل ونهار اطفال وعندي وعلم متعلمه وظيفه الحمدلله مدرسه ولا ناقصني شيء..
يعني في كل الاحوال موقفي اقوى منها..
وماشيه على نيتي والله يعطيني على قدها..