::
هلا صمتي حكاية
الخراب بصفة عامة خروج سوائل كثيرة وريحة كريهة وهواء
وممكن الدم يتجمد ويسبب العقم الله لايقدر
وكمان قلب الرحم او ميلانة كلها تسمى خراب
اللي احنا نفتقر لة التمريخ كثير يجهل التمريخ او مايهتم فية
ومهم للنفاس الوحدة تتمرخ عشان الرحم يرجع مكانة
بس فية سفاحات مو ممرخات يفتقوا البطن
اذا تعرفي شرق اسيويات يدهم خفيفة وعندهم علم وخبرة في التمريخ
عندنا ممرخة مرا شاطرة وترخ جسمك بحجر حار عشان الدم لايتحجر
اسئل في الشرقية اكيد بكل مكان فية ممرخات شطار ولهم اسمهم
واهم شيء تركز الحرارة ع الظهر
او اذا تبخرتي تركزي انتي ع الظهر مثل تحت مو بس البخور والحرارة لتحت !!
اسباب الهواء ( الخراب )
الجوع لاتفكروا لا برجيم ولا خرابيط صوت الرحم راح يفضحك
حتى مو بس بالجامع فية ناس الخراب عندهم فاضح حتى لدرجة
اذا تحركوا يطلع منهم صوت !! مايروح لين تولدي مرة ثانية وتهتمي بنفسك
اكل النفاس معروف مرقوق مطازيز ممكن اذا بتخفي تغيري من دقيق لبر
منها تنحفي ومنها تتغذي *
ابعدي عن اي اكل يرخي الرحم (اكل لزج ) مثل الملوخية البامية
وكمان الحوامض اكتفي بشرب كاسة برتقال في اليوم
ومعروف الباورد ابعدي عنها حتى الموية اذا شربتيها دافية
وكثري من الحوار الحليب والقرفة
كمان قهوة القشر اذا تعرفوها حلوة وتدر الحليب هي والحلبة
والشمر حلو للغازات >> النفاس تهلكها الغازات
,
اهم شيء لايدخلك هواء من تحت او براد يسبب نفخ البطن
يعني البسي استرتشات وشراريب لو بتلبسي جلابية
اذا تحممتي لفي شعرك وانتبهي الهواء يدخل من اذنك
واذا تبخرتي لازم يكون معاك شرشف تتلثمي عشان الهواء مايدخلك
من الانف يعني اي مدخل هواء سكرية :)
ريحي ظهرك قد ماتقدري
بالنسبة للبخور بعد اسبوع من الولادة عشان المادة اللي تخيطي فيها مصنوعة من وتر
ممكن تذوب من الحرارة فاترك البخور لين يلتئم الجرح
وعشان الجرح يلتئم بسرعة استخدمي كريم الجروح ميبو مرة حلو
فية ناس تستخدم بدالة المرة في الايلوز بس عيبها تحرق
الميبو حلو وبسرعة الخياطة تفك معاه
اللي يمدحوة في البخور قشر البصل والمرة والصلب
بس الصلب صعب توصلي له لانوا يتواجد في الطايف بس وسعرة مرا فوق
وفية بخور عند العطار اذا حبيتي تستخدمية
اممممممم هذا اللي عندي وبس ^_^
اية فية سفوف للحامل بس سمعت من الدكتور جابر القحطاني
انها تضر الطفل اذا بترضعي بس عباية السيدة تناخذ اخر النفاس
بس عشرة ايام >>> ابحثي عنها بقوقل مرا حلوة وتنظف المنطقة
::