حبايبي
امس روحت المستشفى
الدكتورة ماعندها احد الا 2 قبلي وانا الاخيرة
المهم لما جا دوري دخلت سلمت عليها
الا قالت كيفك وخبارك وهل تحسي بشي
قلت لها الحمد لله تمامو بس احس بالم في بطني
ورجولي تعورني وظهري
بس انا ابغاكي تكتبيلي تحاليل لانك ما طلبتي مني اسوي تحاليل
الا قالت معقوله
الا وتفتح الملف اتقول انتي ماجيتي المراجعه قولت لها اتصل وقفلتو السماعه
كيف اجي وهو زحمه ولازم حجز
الا قالت انا مستحيل مااسوي تحاليل اهم حاجه
المهم وطلعت ورقه وكتبت ليا التحاليل
وسالتني عن فئه دمي
قولتلها oموجب
بس منو متاكدة قالت الا لزم تكوني متااكدة
قلت لها اكتبي
الا قالت سعرها 37
قلتلها عاادي مافي مشكله
الا اشوفها استغربت المهم سكت
قلت اشبها هادي
المهم قومت غيرت الكلام وكلمتها عن وزني انو ايزيد
مرة قالت هادا طبيعي قلت لها لا مو طبيعي هادا ايزيد مرررة مو طبيعي
انا اخاف تكون الغدة رجعت وزني يزيد منها
المهم الا قامت وقاست الوزن قالت في شهر زيتي 5 كيلو مش معئوله
وكتبت تحاليل هرمونات هادا الي انا ابغاها تسويه التحليل
المهم قاست الضغط
وجينا للسونار المهم من غير ماتستشيرني
طلبت من الممرضه تجهز الغرفه التانيه
قالت الجهاز هنااك افضل انا بوديك الجهاز التاني
المهم جاء في بالي التصوير الرباعي قولت في بالي
انا ماجبت فلوس معايا الا 500 ايش الورطه الي انا فيها
الا قولت لها طيب دكتورة بسالك عن التصوير الرباعي
وسعارو كيف الا تقول مو هو الي انا حوديك تكشفي عليه
وسكتت قلت لها اسعارو قالت 350 وبسيديه 500
الا جلست احسب الكشف 100 وتصوير 350 لا تكفي
المهم وسوتلي التصوير الرباعي شوفت البيبي
صار بس يرفس ويضرب ولا انتي تشوفي حركاتو
بصراحه حلو بسسسس غالي مالو دعي
المهم تجيني حاله فقر الدم وتشرح وتقولي رجول يدين
وانا ولاني معاها احس نبضات قلبي بتسرع من فقر الدم
وجنبي صار عورني
ابغاها تشوف وتفكني والدكتورة مستانسه اهو شوفي وشوفي وشوفي
صبرت لمن خلصت وصارت تسال عن الجهاز وتقولي كيف الجهز
مني عارفه ايش اقلها ابغا اشررررد مني قادرة اوقف وعيوني مني شايفه
قلت شكلو بيغمى عليا
فقلت لها خطيررررررر الجهاز
ورايحا بااشرررد الا وتناديني قلت ياليل ماطولك الدكتورة فاضيه ومستلمتني
المهم روحت لها وتعطيني تمارين رياضه
اخدتها معاها ورقت التحليل
وخرجت وروحت الاستقبال وخليتهم يسعرو التحاليل الي طلبتها طلعت ب 500 وفوق
قلت اسويها بكرة
وهادا الي صار ليا
قولت مدام مافي احد خليني اكتووووب وتسلى ههههههههه
وسلامتكم