أنا قبل لا أولد بولدي الأول قريت أن بعض الحوامل مع تقدم الحمل تصاب بسلس البول وأنها تتبول لا إرادي، عاد لما نزل عندي الماي فكرته سلس ، عاد انحرجت شنو اقول لزوجي ؟؟ أقوله له صرت اسويها علي نفسي ؟؟ عاد جيت أمهد له وقعدت في البداية أكلمه عن هالمشكلة وأن بعض الحوامل يصيبها سلس وأن هذي المشكلة طبيعية ومن هالكلام، بعدين قلت له وأنا مستحية أن هالمشكلة صادتني، قام وداني المستشفى قال يمكن يشوفوا لش حل رحت ولما دخلت قسم الطوارئ شنو أقول للدكتورة ؟ قلت مالي إلا أكذب عليها أقول الها ما أدري شنو ينزل مني وهي بتعرف شغلها كشفت قالت ماما ولادة هذا موية فرحت أنه مو سلس