[أم ح ــنونـہ]

دوبي رجعت من المستشفى
وقلت للدكتوره على الاعراض كلها
قالتلي انه دورتي مو منتظمه ما دام تتأخر أكتر من 7 ايام
وقالت روحي سوي تحليل دم تاني
وعملت تحليل وطلع سالب
ولما قلتلها على النتيجه قالت خلاص مافي حمل
ولازم تعملي فحوصات عشان نعرف سبب التأخير وننظملك الدوره
واعطتني دوا لوجع ظهري وقالت تعملي الفحص دحين ولا متى؟
قالها زوجي مو دحين بعدين آخر الشهر كده
ومشينا وهاي اللي حصل

الصراحه انا وزوجي مو مقتنعين باللي قالته ×_×
حتى لما قلت لأختي الكبيره وهيا أم لأربع ما شاء الله قالتلي سيبك منها واستني آخر الشهر
لو نزلت الدوره كان بها ولا تاخدي اي دوا طول الفتره هاي
ما نزلت سوي تحليل تاني وافحصي بالسونار وسيبك من تحليل الدم لأن لو حمل ضعيف ما ببان في الدم
وقالت انه تاخر الدوره 7 ايام مو معناته انها مو منتظمه قالتلي هاي تخريف من الدكتوره خخخخخ
لأنها لما كانت حامل في ابنها الأول قالتلها الدكتوره تبعتها هادا الكلآم
وانا اقتنعت بكلام اختي الكبيره
والله كريييييم
دعواتكم لنا والله زوجي مرررهـ مقهور من الدكتوره
يقول ما تعبت نفسها وقامت عن الكرسي
قالت كلامها على أساس تحليل الدم بس ×_×