[حلم الأمومة 2010]

حبيبتي متل ما قالو الاخوات صح مية بالمية
بس ابدي بالتدريج يعني جيبي هدية لبنتك وقليلها بابا عطاني فلوس اشتريلك هدية حلوة لانه بحبك كتير وخليها تروح تبوسه وتقله شكرا يا بابا لانك عم تتعب عشاني
واحكي لبنتك بغياب ابوها عن حبه الها وانه كل الاباء بصرخو على ولادهم عادي عشان مصلحتهم واحكي لزوجك عن حب بنته اله واحتياجها اله واحساسها بالنقص قدام زميلاتها
يعني العبي على الحبلين ومع مرور الوقت ان شاء الله بيتغيرو هم الاتنين مع بعض للاحسن صدقيني ما انسان بالعالم بيقدر يقاوم ابتسامة صادقة من طفل بس مشكلتك انه بنتك كمان سلبية تجاه ابوها
انا واخواتي 5 بنات بتعرفي ماما كانت دايما تخلينا نتدلع على بابا وكنا صغار ما نعرف ليه بس بعدين اكتشفنا انه هاد السبب يلي خلا بابا يصبر على انه ما اجاه صبي وربانا وكان حنون علينا الله يطول بعمره وما حسسنا انه نحنا هم عليه بالعكس دلعنا عليه خلاه يتعلق فينا وماما كانت دايما تحكيله انه نحنا بغيابه ما بنرضى ناكل ولا نلعب ليجي هو والنا تحكيلنا بابا طول النهار بيتعب عشانا وبابا كان عصبي ونبكي لما يعصب علينا تجي ماما تحكيلنا عادي كل الاباء هيك لانه بيحبو ولادهم وبالتدريج تعودنا على عصبيته حتى هلأ بتعرف كيف نخليه يهدا
والحمد لله الله عوض بابا بعد صبر 22 سنة واجانا اخ الحمد لله عمره سنة الله يخليلنا ياه بس بابا ابدا ما ميزه عنا ولا بشي
اسفة طولت عليكي بس حبيت فيدك من تجربتنا
وعليكي بالدعاء والاستغفار الله يسخر زوجك لالك ولولادك