[حبة السكر]

انا كنت حلمانه حلم قبل 5 شهور وكنت متفائله كثيييير بهالحلم بس لين الحين ماربي كتب لي الحمل
اتمنى اللي عندها خبره بتفسير الاحلام انها تفيدني...


حلمت كأني برا بيتي بالحوش وكأني شفت عامله شرق اسيويه معها وحده (( الثانيه مدري هل هي شرق اسيويه ولا لا مو متأكده بس الظاهر انها شرق اسيويه)) ...
كأنهم ثنتينهم يمشون وكأن طاحت وحده منهم عالارض على بطنها وكأن العامله الثانيه خافت عليها وتبي تشوف هل هي تأثرت ولا لا..
المهم كأنها جابت سطل فيه ماء ( انا بهاللحظه جلست يمها بشوفها وش تسوي) ..
وكأنها جابت شي سايل كذا مثل الحليب وكبته بوسط الماي بالسطل ...

كأني جلست الاحظ الماي شلون بدا ينسجم ويتداخل مع المحلول اللي كنه حليب..
(مثل الماي اذا كبيت عليه حليب شلون يتداخل معه)

بعدين فجأه بدأت تتكون كور .. المحلول كله صار متشكل على هيئة كور صغيره كأنها بالنوم شفافه..
الغريب اني لاحظت ان كل كوره مطبوع عليها صورة وجه طفل صغير كأنه رضيع.. الكور كلها عليها نفس صورة الطفل الصغير..

والغريب ايضا اني لاحظت ظهور نور صغير جدا بوسط المحلول ينور بسرعه احمر ازرق احمر ازرق احمر ازرق( نور صغير بوسط المحلول)..

كأن العامله الشرق اسيويه يوم شافت النور الصغير ينور احمر ازرق قالت لي هذا حمل.. وكأنها ارتاحت واتطمنت على ذيك الثانيه اللي طاحت..
وكأني قلت بالنوم يوووه هي حملت وانا ماحملت...

وفجأه شفت بنت خالتي (متزوجه من 8 سنوات ولم تحمل ابد) ومرت خالي ..
كأن بنت خالتي تسألني ..
جتك الدوره ولا لا؟؟ كاني اقولها اي جتني..
قالت لي بنت خالتي طيب اوصفيلي شكل الدم اللي ينزل معك .. هو دم عادي ولا قطع ؟؟
قلت لها لا عادي دوره عاديه ..
ورجعت سألتني هالسؤال مره ثانيه مرتين او ثلاث مرات ..
(( كأني بالنوم حاسه انها عينها علي كأنها تبي تعرف حملت ولا لا))
وكأن مرت خالي تقول لي .. هي قصدها ان اذا كان ينزل معك قطع دم واجد معناها انتي (ولود)..
((كأني بالنوم فهمت كلمة (ولود) اني حملت واجهضت))
وبنت خالتي تسألني نفس السؤال ..
كأني صرخت عليها وانا متضايقه قلت لها.. ياشيخه دم عادي مو قطع.. الله يرزقني ويرزقك..


وانتهى الحلم..................................