ياقلبي الله يكون فعونك ويقومك بالسلامه
مثل ماقالت اختي لايجي مكان العمليه ماي على الاقل 4 ايام عشان تبدأ تلتأم وكل يوم مسحيها بمسحه طبيه وخليه ينشف ثم غطي بطنك عن البرد لانها ببتتعبك لاسمح الله
كل يوم امشي 5دقايق عشان تتعودين وماينشد مكان العمليه وبعدين يألمك
ملابسك الداخليه لاتاخذين العاديه لا اشتري صروال بورجل(الي يكون طويل للفخذ)عشان لايضغط ع بطنك ويكون المطاط فوق العمليه ومايذيك
البسي جلابيات وسيعه عشان تكون اريح لك وشرابات
لاتلبسين بجامات الا الي مقاسها كبير عشان لاتتأذين
مستشفى الحكومه بيخلونك4ايام واذا طلبتي المولود بيعطونك اياه ومابياخذونه ثانيه ومايرخصونه الا معاك
بالنسبه للاكل كثري من الطبخات الي فيها حلبه وثوم والله تعطيك قوه وتخفف الم العمليه
لاتشربين شراب كحه لان بيزيدك كحه وبتتألمين بشكل فضييييييييييييييييييع نصيحه لاتشربينه
استبدليه بالمره المنقوعه فماي مفعولها قوووووي للكحه والغازات
الله يقومك بالسلامه