يا جماعه انا مرعوبه وميته من الخوف انا حامل في الشهر السابع بالتحديد في نصه
المهم لمن رحت للدكتوره شافتني بالالتراسوند العادي عندها قالتلي المويه مره زايده وعشان نتاكد اكتر ونظمن على البيبي نعملك اشعه ثنائية الابعاد المهم
والله وسويتها
نفس الشي اللي تعملي الالتراسوند انفجعت من المويه انها كثيره بس الحمد لله الجنين طيب وقالتلي انتي لازم تتابعي اول باول عند دكتورتك وما ينفع تهملي نفسك عشان المويه الزايده دي ممكن تبدا تنزل عليكي ويسير ولاده مبكره لا قدر الله وترا انا عملت تحليل سكر وطلع ماعندي سكر الحمدلله يعني ما اعرف ايش سببها
المهم
اخدت نتايج التخاليل والالتراسوند ورحت لدكتوره تانيه نفسسسسسسس كلام الدكتوره الاولي وكلام حقت الاشعه وجلست تقلي كيف بدايات الطلق وكدا وانو ارتاح مع العلم اني موظفه وطبيعه عملي مكتبيه لكن بيتي فيه دررررررررررج
المهم ليا كم يوم دحين بيجيني زي الشد بيمسك بطني من فوووق لتحت
وظهري كله يالمني وخاصة نهايه الظهر الالم يصحيني من عز نومي ولا اقدر اخد نفسي زي الناس من كتر ما انا متالمه
انا مره خايفه يكون دا بدايات طلق ولا شي لاني انا حملتي الاولي ماحسيت بطلق ولا شي ولدتها قيصريه
انا مره خايفه اولد بدري لا قدر الله بالله تردو عليا لاني بجد مرعوبه