[smoool baby]

بسم الله الرحمــــن الرحيــــم

السلام عليكم ورحمة الله وبركاته

اخواتي في منتداي العزيز

انا مالي بعد الله سواكم

فاللي عندها خلفية عن الموضوع ترد واللي ما عندها تدعي لاختي وترفع الموضوع الله يرفع قدرها

وقولو لنا ع طبيبة او مداوية او خلطة او اي شئ ممكن يفيد في حالة اختي

بالاول بقولكم قصة اختي

اختي متزوجه من 11 سنة وكانت الدورة عندها طبيعية ومنتظمة والحمد لله
وولدت الولد الاول ولم تستخدم المانع ولكنها كانت تستخدم طريقة العزل ودورتها لحد الان طبيعيه وبعد 3 سنوات قررت تحمل وبعده بثلاث شهور رزقها ربي بالولد الثاني والحمد لله

لكن كانت المشكله من ايام النفاس

كانت اختي الله يهديها تخلط بالترمس حلبة وماش و...و....و... الخ
يعني اللي تعرفة واللي ماتعرفه وتاكل خلطات ولهومات الحريم (على عماها )
وربطت بطنها بقوة وانفتحت العملية واللة لايوريكم
وكانت تستخدم الدباغ من اول النفاس الى اخرة وتتبخر ببلاوي كثييييييرة
ويوم طلعت من الاربعين جاتها اخت النفاس

واستمرت لفترة طويلة واعطتها الدكتورة حبوب واوقفتها

ومن يومكم الى الان
صايرة دورتها 11 يوم مع انها كانت 7 ايام
وصارت تنزل عليها يوم واحد قوية والباقي الله يكرمكم خيوط بنية لدرجه ما تلبس فوطة

ويوم نوت تحمل كل ما حملت سقطت-
وتقريبآ سقطت 3 مرات
والسبب تقول الطبيبة انخفاض هرمون الحمل ؟؟!!!!!!!!!!!

اختي ماتكمل 10 ايام الا وتسقط ؟؟؟

بنات الله يرضى عليكم ساعدونا باي شئ

وانا مقدر اقول لاختي شئ -احس اني قاعدة اقلب عليها المواجع

مع العلم اختي تولد قيصري

ولكم بالغ الشكر